काठमाडौं । नेको इन्स्योरेन्स कम्पनीले २०७८ /७९ को प्रथम त्रैमासको वित्तीय विवरण प्रकाशन गरेको छ । कम्पनीले प्रकाशन गरेको वित्तीय विवरण अनुसार कम्पनीको खुद मुनाफा घटेको छ ।
१ अर्ब ३१ करोड रुपैयाँ चुक्ता पूँजी भएको कम्पनीको जगेडा कोषमा ७३ करोड २९ लाख रुपैयाँ संचिती रहेको छ । गत आर्थिक वर्षको सोही अवधिमा कम्पनीको जगेडा कोषमा ५८ करोड ४ लाख रुपैयाँ थियो । गत आर्थिक वर्षको सोही अवधिको तुलनामा कम्पनीको जगेडा कोषमा रकम बृद्धि भएको छ ।
यस अवधिमा कम्पनीको बीमा कोषमा १ अर्ब १५ करोड ३३ लाख रुपैयाँ रहेको छ । गत आर्थिक वर्षको सोही अवधिमा कम्पनीको बीमा कोषमा ८९ करोड ३९ लाख रुपैयाँ थियो । गत आर्थिक वर्षको सोही अवधिको तुलनामा कम्पनीको बीमा कोषको आकार पनि बृद्धि भएको छ ।
यस अवधिमा कम्पनीको खुद बीमा शुल्क बढेको छ । गत आर्थिक वर्षमा ४३ करोड २८ लाख रुपैयाँ खुद बीमा शुल्क आर्जन गरेको कम्पनीले आर्थिक वर्ष २०७८/७९ को प्रथम त्रैमाससम्ममा ४९ करोड ३५ लाख रुपैयाँ खुद बीमा शुल्क आर्जन गरेको छ । गत आर्थिक वर्षको सोही अवधिको तुलनामा कम्पनीको खुद बीमा शुल्क आर्जन १४ दशमलव ०२ प्रतिशतले बढी हो ।
यस अवधिमा कम्पनीको खुद नाफा ७ करोड १९ लाख रुपैयाँ रहेको छ । गत आर्थिक वर्षको सोही अवधिमा कम्पनीको खुद नाफा १२ करोड ४४ लाख रुपैयाँ रहेको थियो । गत आर्थिक वर्षको सोही अवधिको तुलनामा कम्पनीको खुद नाफा ४२ प्रतिशतले घटेको हो ।
त्यस्तै,समिक्षा अवधिमा कम्पनीले २० करोड १३ लाख रुपैयाँ खुद दाबी भुक्तानी गरेको छ । गत आर्थिक वर्षको सोही अवधिमा कम्पनीले १२ करोड २९ लाख रुपैयाँ खुद दाबी भुक्तानी गरेको थियो । गत आर्थिक वर्षको सोही अवधिको तुलनामा कम्पनीको खुद दाबी भुक्तानी ६३ प्रतिशतले बढेको छ ।
यस अवधिमा कम्पनीको प्रति शेयर आम्दानी २१ रुपैयाँ ८५ पैसा रहेको छ । प्रति शेयर नेटवर्थ २४८ रुपैयाँ ८१ पैसा रहेको छ । पी ई अनुाित ६६.५९ गुणा रहेको छ ।
