काठमाडौं । मेरो माइक्रोफाइनान्सको मुनाफा ४ गुणाले बढेको छ । कम्पनीले चालु आर्थिक वर्षको पहिलो त्रैमाशिक अवधिमा १२ करोड ८५ लाख रुपैयाँ मुनाफा आर्जन गरेको छ । जवकी गत आर्थिक वर्षको यहि अवधिमा कम्पनीले जम्मा ३ करोड २३ लाख रुपैयाँ मात्रै मुनाफा आर्जन गरेको थियो ।
मुनाफामा भएको सुधार सँगै संस्थाको प्रतिशेयर आम्दानी ५१ रुपैयाँ पुगेको छ । संस्थाले १० अर्ब ८३ करोड रुपैयाँ बरोइङ र २ अर्ब ६७ करोड रुपैयाँ निक्षेप संकलन गरी १५ अर्ब २७ करोड रुपैयाँ कर्जा लगानी गरेको छ । जसबाट २७ करोड १९ लाख रुपैयाँ खुद व्याज आम्दानी आर्जन गर्न सफल भएको छ । संस्थाको चुक्ता पूँजी एक अर्ब रुपैयाँ रहेको छ भने जगेडा कोषमा ९५ करोड ५८ लाख रुपैयाँ जम्मा भएको छ ।
