समीक्षा अवधिमा लघुवित्तको खुद ब्याज आम्दानीमा पनि सामान्य गिरावट आएको छ । खुद ब्याज आम्दानी एक दशमलव २० प्रतिशतले घटेर ३५ करोड ९१ लाख ४० हजार रुपैयाँमा आएको छ । अघिल्लो वर्षको यसै अवधिमा यसले ३६ करोड ३५ लाख ५ हजार रुपैयाँ खुद ब्याज आम्दानी गरेको थियो ।
त्यस्तै, नाफासँगै लघुवित्तको प्रतिसेयर आम्दानीमा पनि खस्केको छ। समीक्षा अवधिमा लघुवित्तको प्रतिसेयर आम्दानी ७८ रुपैयाँ ८१ पैसाबाट २८ रुपैयाँ ७७ पैसा घटेर ५० रुपैयाँ ४ पैसामा झरेको छ। असोज मसान्तसम्ममा, लघुवित्तको मूल्य आम्दानी अनुपात २५ दशमलव ७२ गुणा रहेको छ भने प्रतिसेयर नेटवर्थ १८७ रुपैयाँ ३२ पैसा छ।
डिप्रोक्सले यो वर्ष २३ करोड २ लाख २८ हजार रुपैयाँ सञ्चालन नाफा कमाएको छ । यो वर्ष संस्थाले प्रोभिजनमा कम रकम छुट्याएकाले सञ्चालन नाफा बढेको हो । गत वर्ष यसै अवधिमा एक अर्ब १० करोड ९१ लाख ५६ हजार रुपैयाँ सञ्चालन नाफा नोक्सानमा रहेको थियो । गत वर्ष एक अर्ब ३७ करोड २६ लाख १४ हजार रुपैयाँ छुट्याएको प्रोभिजनमा यो वर्ष एक करोड ८५ लाख १७ हजार रुपैयाँ छुट्याएको छ ।
