काठमाण्डौं । डोल्मा इम्प्याक्ट फण्डले ढुवानी सेवा प्रदायक कम्पनी उपाय सिटीमा १६ लाख अमेरिकी डलर शेयर लगानी गर्ने भएको छ ।
डोल्मा इम्प्याक्ट फण्डले जारी गरेको विज्ञप्ती अनुसार १८ करोड ८६ लाख ५६ हजार रुपैयाँ पूँजी लगानी गर्नेबारे बिहीबार शेयर लगानीकर्ताहरुसँग लिखित सम्झौता भएको छ ।
उपाय सिटी कार्गोले विगत दुई वर्षदेखि मोबाइल एप्स र वेभसाइटमार्फत् राजधानीभित्र साना मालबाहक गाडी र स्कुटीबाट मालसामान ढुवानी गर्ने सेवा प्रदान गर्दै आएको छ ।
उपाय सिटीले देशबाहिर समेत ढुवानीको सेवा प्रदान गर्ने तयारी गरेको छ। उपाय सिटीले राजधानीबाहिर बुद्ध एयरले हवाईमार्गबाट ढुवानी गर्ने मालसामान पोखरा र भैरहवामा स्थानीय उपभोक्ताहरुको घरदैलोसम्म पु¥याउने सेवा प्रदान गर्न थालेको हो ।
विदेशी दातृ संस्था तथा लगानीकर्ताहरुबाट लगानीको लागी आवश्यक पूँजी जुटाएर डोल्मा इम्प्याक्ट फण्डले नेपालको निजी क्षेत्रसँग मिलेर वैकल्पिक उर्जा, जलविद्युत, कृषि भण्डारलगायतको व्यापारमा शेयर लगानी गर्दै आएको छ ।
