काठमाडौं । एलआईसी नेपालको कोहलपुर शाखाले बीमित घनश्याम पौडेलको परिवारलाई २८ लाख ३० हजार रुपैयाँको मृत्यु दाबी भुक्तानी गरेको छ । कोहलपुर शाखाका प्रमुख सूर्य बहादुर बुढाथोकीले मृतकको श्रीमती बसन्ता बोहरालाई उनकै घरमा गएर चेक हस्तान्तरण गरेका हुन् ।
बीमित पौडेलको २०७८ जेठ ६ गते कोभिड १९ का कारण मृत्यु भएको थियो । उनले २०७६ भदौ ११ गते १५ वर्ष अवधिको २५ लाख रुपैयाँ बीमाङ्कको सावधिक जीवन बीमा योजना खरिद गरेका थिए । यस अवधिमा मृतक पौडेलले २ किस्ता बापत तीन लाख ३८ हजार ७५० रुपैयाँ बीमा शुल्क भुक्तानी गरेको कम्पनीले जनाएको छ ।
बीमितको परिवारले अहिलेसम्म भुक्तानी भएको बीमा शुल्क, बोनस र बीमाङ्क सहित २८ लाख ३० हजार रुपैयाँ प्राप्त गरेका छन् । दाबी भुक्तानी कार्यक्रममा कम्पनीका कर्मचारी, अभिकर्ता तथा मृतकको परिवारका अन्य सदस्यहरुको सहभागिता थियो ।
