काठमाडौं । आइएमई जनरल इन्स्योरेन्स कम्पनीले निर्जीवन बीमा अभिकर्ता तालिम संचालन गर्ने भएको छ । कम्पनीले बीमा अभिकर्ता भई कार्य गर्न इच्छुक व्यक्ति तथा संस्थाहरुको लागि तालिम गर्न लागेको जनाएको छ । कम्पनीले असोज ४ गतेदेखि ७ गतेसम्म तालिम गर्ने जनाएको छ ।
उक्त तालिम अनलाइन जुम मार्फत हुनेछ । ईच्छुक तथा योग्यता पुगेकाले असोज १ गतेभित्र कम्पनीको इमेलमा निवेदन पेश गर्नुपर्ने हुन्छ । अभिकर्ता भई कार्य गर्न चाहानेले नेपाली नागरिकताको प्रतिलिपी, शैक्षिक योग्यताको प्रमाणपत्र, फोटो २ प्रति र नगद दस्तुर ५ सय रुपैयाँ कम्पनीको नाममा रहेको सानिमा बैंकको खाता नम्बरमा जम्मा गरेको भौचर अनलाइन जम्मा गरेको प्रमाण हुनुपर्नेछ ।
