काठमाडौं । सानिमा लाइफ इन्स्योरेन्स कम्पनीको दोस्रो बजारमा कारोबार सुरु भएको छ । कम्पनीको पहिलो कारोबार ३०९ रुपैयाँबाट सुरु भएको हो । नेपाल स्टक एक्सचेजले दिएको अधिकतम रेञ्जबाटै कारोबार सुरु भएको हो । हालसम्म ३४३ कित्ता शेयर खरिद बिक्री भएको नेप्सेले जनाएको छ ।
कम्पनीको शेयर खरिदका लागि ९ लाख ९६ हजार कित्ताको माग देखिन्छ । समग्र बीमा कम्पनीहरुको शेयर मूल्य पछिल्लो समय न्युनतम पनि ६ सय रुपैयाँ भन्दा माथि छ । त्यसैले गर्दा कम्पनीको शेयरमा अत्याधिक आकर्षण देखिएको हो । यहि हिसावले कम्पनीको शेयर मूल्यमा अझै ७/८ कारोबार दिनसम्म सकारात्मक सर्किट लाग्ने देखिन्छ ।
दोस्रो बजारमा सूचिकृत जीवन बीमा कम्पनीहरु मध्ये सबैभन्दा सस्तो शेयर मूल्य रिलायन्स लाइफ इन्स्योरेन्स कम्पनीको ६५६ रुपैयाँ रहेको छ । बीमा कम्पनीको शेयरमा पछिल्लो समय लगानीकर्ताको आकर्षण देखिदैन । बीमा समितिले कम्पनीको शेयर मूल्यमा चलखेल गर्न हकप्रद लगायतका सूचना चुहाउदै भित्रि कारोबार गरेको पाए पछि हकप्रद शेयर निष्काशनका कडाइ गर्दै आएको छ । यसले पनि बीमा कम्पनीको शेयरमा लगानीकर्ताको आकर्षण नदेखिएको हो ।
