काठमाडौं। केही समय देखि नै नेको इन्स्योरेन्सले निर्जीवन बीमाको लिडर शिखर इन्स्योरेन्स कम्पनीलाई टक्कर दिँदै आइरहेको छ । पछिल्लो समय शिखर इन्स्योरेन्स कम्पनीलाई नेको इन्स्योरेन्स कम्पनीले पछि पार्दै आफ्नो वित्तीय अवस्था बलियो बनाउँदै अधिकांश सूचकमा प्रगति गर्दै आएको तथ्यांक सार्वजनिक भएको छ । अहिले निर्जीवन बीमा बजारमा शिखर र नेको इन्स्योरेन्स कम्पनी लाई निकै चासो पुर्वक दाँजेको देखिएकोमा इन्स्योरेन्स खबरले दुई निर्जीवन बीमा कम्पनीलाई दाँजेर गरेको तुलानात्मक अध्ययन यस्तो छ:
नोट: शिखर इन्स्योरेन्सको जगेडा कोषमा शेयर प्रिमियम पनि जोडिएको छ ।
चुक्ता पूँजीको आधारमा :
आर्थिक वर्ष २०७७ /७८ को चौथो त्रैमासको वित्तीय विवरण अनुसार नेको इन्स्योरेन्सको चुक्ता पूँजी १ अर्ब ३१ करोड रहेको छ भने शिखर इन्स्योरेन्सको चुक्ता पूँजी १ अर्ब ७५ करोड रहेको छ ।
जगेडा कोषको आधारमा :
आर्थिक वर्ष २०७७ /७८ को चौथो त्रैमासको वित्तीय विवरण अनुसार जगेडा कोषको आधारमा नेको इन्स्योरेन्स अघि छ । शिखर इन्स्योरेन्सको जगेडा कोषमा (शेयर प्रिमियम सहित ) ६६ करोड ७७ लाख रुपैयाँ संचित छ भने नेको इन्स्योरेन्सको जगेडा कोषमा ७० करोड ५ लाख रुपैया संचित छ ।
बीमा कोषको आधारमा :
आर्थिक वर्ष २०७७ /७८ को चौथो त्रैमासको वित्तीय विवरण अनुसार बीमा कोषको आधारमा शिखर इन्स्योरेन्स अघि छ। शिखर इन्स्योरेन्सको बीमा कोषमा १ अर्ब २९ करोड रुपैया संचित छ भने नेको इन्स्योरेन्सको बीमा कोषमा १ अर्ब ११ करोड रुपैयाँ संचित छ ।
कुल र खुद बीमा शुल्क आर्जनको आधारमा :
आर्थिक वर्ष २०७७ /७८ को चौथो त्रैमासको वित्तीय विवरण अनुसार शिखर इन्स्योरेन्सले ३ अर्ब ९७ करोड कुल बीमा शुल्क आर्जन गरेको छ भने १ अर्ब २९ करोड खुद बीमा शुल्क आर्जन गरेको छ । त्यस्तै नेको इन्स्योरेन्सले २ अर्ब ४१ करोड कुल बीमा शुल्क आर्जन गरेको छ भने १ अर्ब ६३ करोड खुद बीमा शुल्क आर्जन गरेको छ।
खुद नाफाको आधारमा :
शिखर इन्स्योरेन्सले आर्थिक वर्ष ७७/७८ को चौथो त्रैमाससम्म ४७ करोड ५७ लाख खुद नाफा आर्जन गरेको छ भने नेको इन्स्योरेन्सले ५४ करोड ०६ लाख खुद नाफा आर्जन गरेको छ ।
प्रतिशेयर आम्दानीको आधारमा :
आर्थिक वर्ष २०७७/ ७८ को चौथो त्रैमासको वित्तीय विवरण अनुसार शिखर इन्स्योरेन्सको प्रकाशित वार्षिक प्रति शेयर आम्दानी २७ रुपैयाँ ०५ पैसा छ भने नेको इन्स्योरेन्सको प्रकाशित वार्षिक प्रति शेयर आम्दानी ४१ रुपैयाँ ०४ पैसा छ ।
किताबी मूल्यको आधारमा :
आर्थिक वर्ष २०७७ /७८ को चौथो त्रैमासको वित्तीय विवरण अनुसार शिखर इन्स्योरेन्सको किताबी मूल्य २१९ रुपैयाँ छ भने नेको इन्स्योरेन्सको किताबी मूल्य २४३ रुपैयाँ छ।
(उपलब्ध तथ्यांक कम्पनीले प्रकाशित गरेको वित्तीय विवरणबाट तयार गरिएको हो , यो विस्लेषण पूर्ण होइन लगानीकर्ताले कारोवारको निर्णय लिनु अघि थप अनुसन्धान गर्नु पर्ने छ ।)
