काठमाडौं । महालेखापरीक्षकको अन्ठाउन्नौ वार्षिक प्रतिवेदन अनुसार नेपाल सरकारले कोरोना बीमा अन्तर्गत ६ अर्ब १६ करोड ६१ लाख रुपैयाँ दाबी भुक्तानी गर्न बाँकी देखिएको छ । बीमा समितिले जारी गरेको महामारी बीमा कार्यक्रम २०७७ अन्तर्गत नेपाल सरकारको टाउकोमा अर्बौ रुपैयाँको भार थपिएको छ ।
महामारीको बीमा कार्यक्रम २०७७ अन्तर्गत २०७८ असार २८ सम्म १७ लाख ५८ हजार ३४३ जनाले कोरोना बीमा गरेका छन् । बीमा गरेको र एक अर्ब ५ करोड ५ लाख बीमा प्रिमियम संकलन भएकोमा एक लाख १४ ६३३ बीमितबाट १० अर्ब ९७ करोड ७३ लाखको दाबी भेश भएको छ ।
प्रिमियम भन्दा ९ अर्ब ९२ करोड ६८ लाख बढि दाबी पेश भएको छ । दाबी मध्ये ६ अर्ब १६ करोड ६१ लाख दाबी भुक्तानी हुन बाँकी रहेको महालेखापरिक्षकको कार्यालयले सार्वजनिक गरेको अन्ठाउन्नौ वार्षिक प्रतिवेदनमा उल्लेख छ ।
महालेखापरीक्षकको प्रतिवेदनले कोरोना बीमाको दाबी भुक्तानी सम्बन्धमा तथ्याङ्क सार्वजनिक गर्दै गर्दा अर्थमन्त्रालयले अहिलेसम्म कुनै पनि तथ्याङ्क सार्वजनिक गरेको छैन । कोरोना बीमाको दाबी भुक्तानी साढे तीन अर्ब रुपैयाँ पुल मार्फत र बाँकी दाबी भुक्तानी नेपाल सरकारले बेहोर्ने मापदण्ड रहे पनि अहिलेसम्म पनि सरकारले दाबी भुक्तानीका लागि कुनै पहल सुरु गरेको छैन ।
