काठमाडौं । नेपाल रेडक्रस सोसाइटीले कोकाकोला फाउन्डेसनको सहयोगमा कोभिड–१९ महामारीका बेला बिरामीलाई सहयोग गर्ने फ्रन्टलाइन स्वास्थ्यकर्मी र स्वयंसेवकको सुरक्षा बढाउन साझेदारी गरेको छ ।
रेडक्रसको स्वास्थ्य सेवा विभागका निर्देशक डा। मनिता राजकर्णिकार र कोकाकोला नेपालका प्रतिनिधिले महाराजगञ्जस्थित त्रिवि शिक्षण अस्पतालका डा.रमेश महारनांकलाई सुरक्षा सामग्री हस्तान्तरण गरे ।
यस साझेदारीको उद्देश्य नेरेसोका स्वयंसेवकलाई खोप केन्द्रमा परिचालन गर्नु र शारीरिक रूपमा अपांगता भएकाहरूलाई खोप लगाउन यातायात सुविधा उपलब्ध गराउनु रहेको छ ।
साझेदारी परियोजनाकोे रूपमा शिक्षण अस्पताल, बलम्बुको सशस्त्र प्रहरी अस्पताल, पाटन अस्पताल, जनमैत्री अस्पताल र नेपाल मेडिकल एसोसिएसनका स्वास्थ्य पेशेवरलाई व्यक्तिगत सुरक्षा सामान वितरण गरिएको छ । १२ हजार ५०० सर्जिकल मास्क, ५ हजार जोडी पन्जा र ९६० स्यानिटाइजर बोतल हस्तान्तरण गरिएको हो ।
