काठमाडौं । इन्फिनिटी लघुवित्त वित्तीय संस्था लिमिटेड र नेपाल एग्रो लघुवित्तको एकिकृत कारोबार भदौ ४ गतेदेखि शुरु हुने भएको छ । यी दुवै कम्पनीले असार २१ गते सम्पन्न अलग अलग साधारण सभाबाट प्राप्ति सम्बन्धी प्रस्ताव पारित गरिसकेका छन् ।
नेपाल राष्ट्र बैंकले साउन १५ गते दुई लघुवित्तलाई प्राप्तिका लागि अन्तिम स्वीकृति प्रदान गरेसँगै दुई कम्पनीले एकिकृत कारोबार थाल्ने भएका छन् । कम्पनी रजिष्ट्रारको कार्यालयले साउन २२ गते प्राप्तिका लागि अन्तिम स्वीकृति प्रदान गरेको थियो ।
इन्फिनिटी लघुवित्तले नेपाल एग्रो लघुवित्तलाई १ बराबर शून्य दशमलव ९८ को अनुपातमा शेयर आदानप्रदान गर्ने गरी प्राप्ति गरेको हो ।
एकीकृत कारोबारको लागि दुवै संस्थाको तथ्यांककलाई एउटै सफ्टवेयरबाट वित्तीय कारोबार गर्नुपर्ने व्यवस्था मिलाउनका लागि भदौ ३ गते नेपाल एग्रो लघुवित्तको सम्पूर्ण कारोबार बन्द रहने जनाएको छ ।
यी दुवै दुई कम्पनी एक भएपछि चुक्ता पूँजी ३२ करोड ५९ लाख ८ हजार कायम हुनेछ ।
