काठमाडौं । जीवन बीमा कम्पनीहरुले आर्थिक वर्ष २०७७/७८ मा ७८ अर्बमाथि नविकरण बीमा शुल्क आर्जन गरेका छन् । बीमा समितिको तथ्याङ्क अनुसार १९ जीवन बीमा कम्पनीहरुले असार मसान्तसम्ममा ७८ अर्ब ३९ करोड रुपैयाँ नविकरण बीमा शुल्क आर्जन गर्न सफल भएका हुन् । असार महिनामा मात्रै जीवन बीमा कम्पनीहरुले ११ अर्ब ४९ करोड रुपैयाँ नविकरण बीमा शुल्क आर्जन गरेको छन् ।
आर्थिक वर्ष २०७७/७८ को अवधिमा सबैभन्दा धेरै प्रथम बीमा शुल्क आर्जन गर्ने कम्पनीमा नेपाल लाइफ इन्स्योरेन्स कम्पनी रहेको छ । कम्पनीले असार मसान्तसम्ममा २३ अर्ब ९९ करोड रुपैयाँ नविकरण बीमा शुल्क आर्जन गर्न सफल भएको छ ।
दोस्रोमा एलआइसी नेपाल रहेको छ । कम्पनीले असार मसान्तसम्ममा १३ अर्ब ५८ करोड रुपैयाँ नविकरण बीमा शुल्क आर्जन गर्न सफल भएको छ । तेस्रोमा नेशनल लाइफ इन्स्योरेन्स कम्पनी रहेको छ । चौथोमा राष्ट्रिय बीमा संस्थान रहेको छ। राष्ट्रिय बीमा संस्थानले यस अवधिसम्ममा ६ अर्ब ६५ करोड रुपैयाँ नविकरण बीमा शुल्क आर्जन गर्न सफल भएको छ। पाँचौमा एशियन लाइफ इन्स्योरेन्स कम्पनी रहेको छ । कम्पनीले यस अवधिसम्ममा ३ अर्ब ७८ करोड रुपैयाँ नविकरण बीमा शुल्क आर्जन गर्न सफल भएको छ । त्यस्तै, यूनियन लाइफ र मेट लाइफल इन्स्योरेन्स कम्पनीले ३ अर्ब ५७ करोड रुपैयाँ नविकरण बीमा शुल्क आर्जन गरेको छ ।
त्यसैगरी , प्राइम लाइफले २ अर्ब ६३ करोड , सूर्या लाइफ इन्स्योरेन्स कम्पनीले २ अर्ब २९ करोड, गुराँस लाइफ इन्स्योरेन्स कम्पनीले २ अर्ब, सिटिजन लाइफले १ अर्ब ४९ करोड, ज्योति लाइफले १ अर्ब २५ करोड, आइएमई लाइफले १ अर्ब १९ करोड, रिलायन्स लाइफले १ अर्ब ९ करोड रुपैयाँ नविकरण बीमा शुल्क आर्जन गरेका छन् ।
करोडमा नविकरण बीमा शुल्क आर्जन गर्ने कम्पनीहरु
समितिको तथ्याङक अनुसार आर्थिक वर्ष २०७७/७८ मा रिलायबल नेपाल लाइफले ७८ करोड, सन नेपाल लाइफले ८९ करोड, सानिमा लाइफले ६७ करोड रुपैयाँ , प्रभु लाइफले ५६ करोड र महालक्ष्मी लाइफले ३१ करोड रुपैयाँ नविकरण बीमा शुल्क आर्जन गरेका छन् ।
