काठमाडौं । पछिल्लो २४ घण्टामा १ हजार ८७५ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार पछिल्लो २४ घण्टामा १० हजार ५०४ जनाको आरटी–पीसीआर र एन्टिजेन परीक्षण गर्दा १ हजार ८७५ जनामा कोरोना संक्रमण पुष्टि भएको हो ।
५ हजार ३७४ जनाको आरटी पीसीआर विधिबाट परीक्षण गर्दा १ हजार २१८ जना र ५ हजार १३० जनाको एन्टिजेन विधिबाट परीक्षण गर्दा ६ सय ५७ जनामा कोरोना संक्रमण पुष्टि भएको मन्त्रालयले जनाएको छ ।
पछिल्लो २४ घण्टामा देशभर १ हजार २८६ जना निको भएर घर फर्किएका छन् । पछिल्लो २४ घण्टामा थप २९ जना संक्रमितको मृत्यु भएको छ ।
