काठमाडौं । आदर्श लघुवित्त वित्तीय संस्था लिमिटेडले असार ३१ गते तेस्रो वार्षिक साधारण सभा गर्ने भएको छ । कम्पनीको असार ८ गते बसेको सञ्चालक समितिको बैठकले उक्त मितिमा सभा गर्ने निर्णय गरेको हो ।
उक्त सभा आफ्नै केन्द्रीय कार्यालय, बनेपा, काभ्रेपलाञ्चोकमा बिहान ११ बजे हुने संस्थाले जनाएको छ ।
सभाले हाल कायम जारी पूँजीको ३० प्रतिशतले हुन आउने शेयर रकमको आईपीओ निष्काशन गर्ने प्रस्ताव पारित गर्नेछ । त्यस्तै, यस कम्पनी र अन्य कुनै लघुवित्त एक आपसमाा गाभ्नेर गाभिने र प्राप्ति हुने कार्यसँग सम्बन्धित आवश्यक सम्पूर्ण कार्य गर्नका लागि सञ्चालक समितिलाई अख्तियारी प्रदान गर्ने प्रस्ताव रहेको छ ।
सभामा गत आर्थिक वर्षको वार्षिक प्रतिवेदन छलफल गरी पारित गर्नुका साथै लेखा परीक्षकको नियुक्ति र निजको पारिश्रमिक तोक्ने एजेण्डा रहेको छ ।
