काठमाडौं । कामना सेवा विकास बैंकले ललितपुर महानगरपालिका वडा नं. १३ स्थित नख्खु दोबाटोमा आफ्नो १२५औं शाखा विस्तार गरेको छ । बैंकले आफनो सेवा विस्तार गर्ने क्रममा उक्त शाखा विस्तार गरेको जनाएको छ । हालको विषम परिस्थितिलाई मध्यनजर गर्दै बैंकका अध्यक्ष सुदिप आचार्यले भिडियो कन्फरेन्स माध्यमद्धारा उक्त शाखाको उद्घाटन गरेका हुन् ।
शाखा उद्घाटन कार्यक्रममा सम्पुर्ण संचालकहरुको समेत भर्चुअल उपस्थिति थियो । यसै अवसरमा बैंकका प्रमुख कार्यकारी अधिकृत प्रविण बस्नेतले बैंकको बर्तमान अवस्था र भावी कार्ययोजना तथा रणनीतिका बारेमा प्रकाश पारेका थिए ।
बैंकले व्यवसाय विस्तारको क्रममा समय सापेक्ष थप नविनतम प्रोडक्टहरु तथा वृहत शाखा संजाल मार्फत आफ्नो ग्राहकहरुलाई उच्च स्तरको बैंकिङ सुविधा दिँदै जाने जनाएको छ ।
हालसम्म बैंकले १२५ वटा शाखा, १ विस्तारित काउन्टर र ६६ वटा एटिएम मार्फत बैंकिङ सेवा प्रदान गर्दै आएको छ ।
