काठमाडौं । मेट लाइफ इन्स्योरेन्सले तेस्रो त्रैमासको वित्तीय विवरण सार्वजनिक गरेको छ। अघिल्लो आर्थिक बर्षको तुलनामा कम्पनीको खुद बीमाशुल्क आर्जन र नाफा दुबै वृद्धि भएको छ।कम्पनीले तेस्रो त्रैमासको अवधिसम्ममा ३ अर्ब ८८ करोड रुपैयाँ खुद बीमाशुल्क आर्जन गर्न सफल भएको छ। कम्पनीले गत बर्षको सोहि अवधिमा ३ अर्ब २१ करोड रुपैयाँ खुद बीमाशुल्क आर्जन गर्न सफल भएको थियो । अघिल्लो बर्षको तुलनामा कम्पनीको खुद बीमाशुल्क आर्जन २० दशमलव ५८ प्रतिशतले बढेको हो।
त्यस्तै, चैत मसान्तसम्मा कम्पनीको खुद नाफा २५करोड ८८ लाख रुपैंया नाफा आर्जन गर्न सफल भएको छ । कम्पनीले गत बर्षको सोहि अवधिमा २१ करोड ६८लाख रुपैयाँ खुद नाफा आर्जन गर्न सफल भएको थियो । गत बर्षको तुलनामा खुद कम्पनीको नाफा १९ दशमलव ३७ प्रतिशतले बढेको हो ।
समिक्षा अवधिमा कम्पनीले ५ हजार ८९८ वटा दाबी वापत २ अर्ब ६६ करोड रुपैंया भुक्तानी गरेको छ भने ७३९ वटा बीमा दाबी वापतको ७५ करोड३४ लाख रुपैंया बराबरको बीमा दाबी भुक्तानी गर्न बाँकी छ ।
कम्पनीको जगेडा कोषमा २ अर्ब ६७ करोडरुपैंया संचित रहेको छ भने जीवन बीमा कोष १९ करोड १६ लाख रुपैंया रकम संचित रहेको छ ।
