काठमाडौं । बुटवल पावर कम्पनी लिमिटेडले चालू आर्थिक वर्षको तेस्रो त्रैमासको वित्तीय विवरण प्रकाशन गरेको छ । यस अवधिसम्म ४५ करोड ८६ लाख ५३ हजार खुद नाफा आर्जन गरेको छ । गत वर्षभन्दा कम्पनीको नाफा ४८ दशमलव ८० प्रतिशतले कम हो । गत वर्ष यस अवधिसम्म कम्पनीले ८९ करोड ५९ लाख १ हजार खुद नाफा गरेको थियो ।
गत वर्ष ९५ करोड ५७ लाख ४३ हजार सञ्चालन आम्दानी गरेको कम्पनीले यस वर्ष ४८ करोड ३४ लाख ४ हजार मात्र गरेको छ । गत वर्षभन्दा ४९ दशमलव ४२ प्रतिशत कम सञ्चालन आम्दानी कम्पनीले गरेको हो ।
१० प्रतिशत बोनश शेयरमार्फत चुक्ता पूँजी बढाएर २ अर्ब ९५ करोड १३ लाख ६१ हजार पु¥याएको कम्पनीको जगेडा कोष रकम ३ अर्ब ९९ करोड ९१ लाख ८१ हजार रहेको छ । गत वर्षभन्दा यस वर्ष जगेडा कोष रकम ११ दशमलव ४८ प्रतिशत कम कायम भएको हो ।
यस अवधिसम्म कम्पनीको प्रतिशेयर आम्दानी १५ रुपैयाँ ५४ पैसा रहेको छ । कम्पनीको प्रतिशेयर नेटवर्थ २३५ रुपैयाँ ५० पैसा रहेको छ ।
