काठमाडौं । हिमालयन जनरल इन्स्योरेन्स कम्पनीले चालु आर्थिक बर्षको तेस्रो त्रैमासको वित्तीय विवरण सार्वजनिक गरेको छ । तेस्रो त्रैमासको अवधिसम्ममा कम्पनीको खुद बीमाशुल्क आर्जन बढेको छ भने खुद नाफा घटेको छ।
चालु आर्थिक बर्षको तेस्रो त्रैमाससम्ममा अवधिमा कम्पनीले २१ करोड ६३ लाख रुपैयाँ खुद बीमाशुल्क आर्जन गरेको छ । गत आर्थिक बर्षको तुलनामा कम्पनीको १८ करोड ५१ लाखरुपैयाँ खुद बीमाशुल्क आर्जन गरेकोमा १७ प्रतिशतले वृद्धि भएको छ ।
समिक्षा अवधिमा कम्पनीले ९ करोड १० लाख रुपैयाँ खुद नाफा आर्जन गर्न सफल भएको छ। गत आर्थिक बर्षको सोहि अवधिमा कम्पनीले ११ करोड २५ लाख रुपैयाँ खुद नाफा आर्जन गरेको थियो । गत आर्थिक बर्षको तुलनामा कम्पनीको नााफा २८ प्रतिशतले घटेको छ ।
कम्पनीको हालको चुक्ता पूँजी १ अर्ब ६ करोड ८२ लाख ८८ हजार रुपैयाँ रहेको छ भने जगेडा कोषमा २८ करोड ६६ लाख ३० हजार रुपैयाँ, बीमा कोषमा ६० करोड ७४ लाख ५२ हजार रुपैयाँ र महाविपत्ती जगेडा कोषमा ५ करोड ११ लाख ५७ हजार रुपैयाँ रकम संचित रहेको छ ।
यस अवधिसम्ममा कमम्पनीले ५ हजार ६८४ बीमा दाबीवापत १ अर्ब ५४ करोड ८८ लाख ८३ हजार रुपैयाँ कुल दाबी भुक्तानी गरेको छ भने २ हजार ६०२ बीमा दाबी वापत ५४ करोड ७४ लाख रुपैयाँ भुक्तानी गर्न बाँकी रहेको छ।कम्पनीको प्रतिशेयर आम्दानी (वार्षिक) ११ रुपैयाँ ३६ पैसा, प्रतिशेयर नेटवर्थ १ सय ८८ रुपैयाँ ४८ पैसा रहेको छ ।
