काठमाडौं । सानिमा जनरल इन्स्योरेन्स कम्पनीले १०० दशमलब ९५ प्रतिशतले मुनाफा बृद्धि गरेको छ । कम्पनीले चालु आर्थिक वर्ष २०७७/७८ को तेस्रो त्रैमासिक अवधिमा ५ करोड १८ लाख रुपैयाँ मुनाफा आर्जन गरेको छ । कम्पनीले गत आर्थिक वर्षको यहि अवधिमा २ करोड ८९ लाख रुपैयाँ मुनाफा आर्जन गरेको थियो ।
कम्पनीले तेस्रो त्रैमासिक अवधिमा खुद बीमा शुल्क आर्जन ७६.४६ प्रतिशतले बृद्धि गर्न सफल भएको छ । कम्पनीले यहि अवधिमा ४६ करोड ४६ लाख रुपैयाँ खुद बीमा शुल्क आर्जन गरेको हो । गत वर्षको यहि अवधिमा भने २६ करोड ३३ लाख रुपैयाँ आर्जन गरेको थियो ।
कुल बीमा शुल्क आर्जन भने ४६ प्रतिशतले बढेको छ । कम्पनीले १३ करोड ८४ लाख रुपैयाँ आर्जन गर्न सफल भएको छ । गत वर्षको यहि अवधिम ९ करोड ४२ लाख रुपैयाँ आर्जन गरेको थियो ।
त्यस्तै खुद दाबी भुक्तानी पनि ५५.२७ प्रतिशतले बढेको छ । कम्पनीले ९ महिनाको अवधिमा तीन करोड ५८ लाख रुपैयाँ खुद दाबी भुक्तानी गरेको थियो । गत वर्षको यहि अवधिमा कम्पनीले २ करोड ८९ लाख रुपैयाँ खुद दाबी भुक्तानी गरेको थियो ।
यसै वर्ष सर्वसाधारणका लागि प्राथमिक शेयर निष्काशन गरे सँगै कम्पनीको चुक्ता पूँजी एक अर्ब रुपैयाँ पुरा गरेको छ । जगेडा कोषमा ७ करोड ५९ लाख रुपैयाँ जम्मा भएको छ । त्यस्तै बीमा कोष ९४ प्रतिशतले बढेर ८ करोड ५७ लाख रुपैयाँ जम्मा गर्न सफल भएको छ ।
कम्पनीले यसै अवधिम पुनर्बीमा कमिसन बापत ८ करोड ४० लाख रुपैयाँ आर्जन गरेको छ । विभिन्न क्षेत्रका लगानी गरेर कम्पनीले एक करोड ५३ लाख रुपैयाँ आम्दानी गर्न सफल भएको छ । गत वर्षको यहि अवधिम ९५ लाख रुपैयाँ आर्जन गरेको थियो ।
अभिकर्ता कमिसन बापतको खर्च ५१ प्रतिशतले बढेको छ । यस शिर्षकमा ८८ लाख ५२ हजार रुपैयाँ खर्च भएको छ । चालु आर्थिक वर्षको ९ महिनाको अवधिमा ५७ हजार ८२५ वटा पोलिसी बिक्री गरेको छ । नाफामा सुधार भए सँगै ३० करोड रुपैयाँ पूँजी थपिदा पनि प्रतिशेयर आम्दानी २ रुपैयाँले बढेर ७ रुपैया पुगेको छ ।
