काठमाडौं । ज्योति लाईफ इन्स्योरेन्स कम्पनी लिमिटेडले चालू आर्थिक वर्षको तेस्रो त्रैमासको वित्तीय विवरण सार्वजनिक गरेको छ । चालू आर्थिक वर्षको तेस्रो त्रैमाससम्म कम्पनीले २ अर्ब २८ करोड ६९ लाख कुल बीमा शुल्क आर्जन गरेको छ । गत वर्षभन्दा गत आर्थिक वर्षको सोही अवधिको तुलनामा कम्पनीको कुल बीमा शुल्क आर्जन शत प्रतिशतले बढी हो । गत आर्थिक वर्षको सोही अवधिसम्म कम्पनीले १ अर्ब १४ करोड ३२ लाख कुल बीमा शुल्क आर्जन गरेको थियो ।
यस अवधिमा कम्पनीले २ अर्ब २१ करोड रुपैयाँ खुद बीमा शुल्क आर्जन गरेको छ । गत आर्थिक वर्षको सोही अवधिमा कम्पनीले १ अर्ब १० करोड रुपैयाँ खुद बीमा शुल्क आर्जन गरेको थियो । गत आर्थिक वर्षको सोही अवधिको तुलनामा कम्पनीको खुद बीमा शुल्क आर्जन १०० दशमलव ९६ प्रतिशतले बढी हो । यस अवधिमा कम्पनीले ६ करोड ४९ लाख रुपैयाँ खुद दाबी भुक्तानी गरेको छ ।
कम्पनीको चुक्ता पूँजी २ अर्ब २० करोड रुपैयाँ रहेको छ । यस अवधिसम्ममा कम्पनीको जगेडा कोषमा ६० करोड ४ लाख ८७ हजार रुपैयाँ संचिती रहेको छ । गत आर्थिक वर्षको सोही अवधिको तुलनामा कम्पनीको जगेडा कोष ६० दशमलव ५८ प्रतिशतले बढी हो । जीवन बीमा कोषमा ३ अर्ब ४९ करोड ६७ लाख ९१ हजार रुपैयाँ रहेको छ । गत आर्थिक वर्षको सोही अवधिको तुलनामा कम्पनीको जीवन बीमा कोष १४८ दशमलव ९५ प्रतिशतले बढी हो । त्यसैगरी महा विपत्ती कोषमा ६ करोड ६७ करोड रुपैयाँ रहेको छ ।
यस अवधिसम्ममा कम्पनीले १० करोड ११ लाख ५२ हजार रुपैयाँ कुल दाबी भुक्तानी गरेको छ । गत आर्थिक वर्षको सोही अवधिमा कम्पनीले ८९ लाख ५९ हजार कुल दाबी भुक्तानी गरेको थियो । गत वर्षभन्दा यस अवधिमा कम्पनीको कुल दाबी भुक्तानी ११ गुणा बढीले हो ।
यस त्रैमाससम्ममा कम्पनीको खुद नाफा १२ करोड ७ लाख ७१ हजार रुपैयाँ रहेको छ । गत आर्थिक वर्षको सोही अवधिको तुलनामा कम्पनीको खुद नाफा ४ दशमलव८८ प्रतिशतले बढी हो । गत वर्ष कम्पनीले ११ करोड ४१ लाख ४२ हजार खुद नाफा गरेको थियो ।
यस अवधिसम्म कम्पनीको वार्षिक प्रतिशेयर आम्दानी ७ रुपैयाँ ३२ पैसा रहेको छ । प्रतिशेयर नेटवर्थ १३० रुपैयाँ ३३ पैसा रहेको छ ।
