काठमाडौं । नेपाल इन्स्योरेन्स एण्ड रिस्क म्यानेजमेन्ट एसोसिएसनले नेप्लिज जर्नल अफ इन्स्योरेन्स एण्ड सोसल सेक्युरिटिको तेस्रो अंक प्रकाशित गरेको छ ।
जोखिम व्यवस्थापन, इन्स्योरेन्स र सामाजिक सुरक्षा सम्बन्धी क्षेत्रमा अनुसन्धानमूलक लेखहरुको प्रकाशन गर्ने गरी सन् २०१८ बाट शुरु गरिएको नेपालकै पहिलो जर्नल नेप्लिज जर्नल अफ इन्स्योरेन्स एण्ड सोसल सेक्युरिटिको तेस्रो अंक वेवसाइटमा उपलब्ध रहेको छ ।
उक्त जर्नलमा ६ वटा लेखहरु छापिएका छन् जसमा ४ वटा सामाजिक स्वास्थ्य बीमा सम्बन्धी, एक व्यवसायिक बीमा सम्बन्धी र एक बीमा सचेतना सम्बन्धी विषयलाई समेटिएको छ । हरेक वर्ष प्रकाशित हुने जर्नलको सल्लाहकार समिति, सम्पादन समितिमा नेपाल, अमेरिका, चीन, दक्षिण कोरिया, अर्मेनिया, भारत, बंगलादेशका विश्वविद्यालयका प्राध्यापकहरु रहेका छन् । जर्नलको प्रमुख सम्पादक प्रा.डा. फत्त बहादुर के.सी. र प्रबन्ध सम्पादक डा. रविन्द्र घिमिरे रहेका छन् । उक्त जर्नलको प्रकाशक नेपाल बीमा तथा जोखिम व्यवस्थापन संघ (निरमा) रहेको छ । नेपाल जर्नल अनलाइन र निरमाको वेभपेजबाट डाउनलोड गर्न सकिन्छ । यो जर्नल देहायको लिंकमा उपलब्ध छ ।
NJISS – Nepal Insurance and Risk Management Association (nirma.com.np) र Vol 3 No 3 (2020) | Nepalese Journal of Insurance and Social Security (nepjol.info)
