काठमाडौं । जनरल इन्स्योरेन्स कम्पनी नेपाल लिमिटेडले बैशाख २६ गते तेस्रो वार्षिक साधारण सभा गर्ने भएको छ । कम्पनीको चैत २४ गते बसेको सञ्चालक समितिको बैठकले सभा गर्ने निर्णय गरेको हो । उक्त सभा केन्द्रिय कार्यालय हात्तीसार, काठमाडौंमा बिहान ११ बजे हुने कम्पनीले जनाएको छ ।
सभामा संचालक समितिको तर्फबाट अध्यक्षद्धारा पेश हुने कम्पनीको आर्थिक वर्ष २०७६/ ७७ को वार्षिक प्रतिवेदन उपर छलफल गरी पारित हुनेछ । लेखापरिक्षकको प्रतिवेदन हित आर्थिक वर्ष २०७६ /७७ (एनएफआरएस ) सहितको असार मसान्तसम्मको वासलात, नाफा नोक्सान तथा नगद प्रवाह सम्बन्धी विवरण र सो सम्न्धी अनुसुची माथि छलफल गर्ने एजेण्डा छ ।
त्यस्तै, आर्थिक वर्ष २०७७/ ७८ को लेखापरिक्षण गर्नका लागि लेखापरिक्षण समितिको सिफारिस बमोजिम लेखापरिक्षकको नियुक्ति गर्ने र निजको पारिश्रमिक तोक्ने लगायतका एजेण्डा छ ।
त्यसैगरी सर्वसाधारण शेयरधनीको तर्फबाट प्रतिनिधित्व गर्ने दुई जना सञ्चालकको निर्वाचन गर्ने, कम्पनीले कोभिड १९ कोषमा सहयोग गरेको रकम अनुमोदन गर्ने प्रस्ताव रहेको छ ।
साधारण सभा प्रयोजनका लागि कम्पनीले बैैशाख १० गतदेखि २६ गतेसम्म बुक क्लोज गर्ने निर्णय गरेको छ । त्यसकारण बैशाख ९ गतेसम्मका कायम शेयरधनीहरुले मात्र सभामा भाग लिन पाउने छन् ।
