काठमाडौं । बीमा समितिले करारमा माग गरेको चार्टर्ड एकाउन्टेण्ट तथ्याङ्क शास्त्री र सूचना प्रविधि अधिकृतका लागि आवेदन दिने आवेदकको संक्षिप्त सूची ‘सर्ट लिस्टिङ’ तयार पारेको छ । बीमा समितिले बीमा क्षेत्रको तथ्याङ्कलाई व्यवस्थित गर्न चार्टर्ड एकाउन्टेण्ड, तथ्याङ्क शास्त्री र सूचना प्रविधि अधिकृत पदका लागि दरखास्त आह्वान गरेको थियो ।
समितिले चार्टर्ड एकाउन्टेण्टका लागि ७ जनाको नाम सर्ट लिस्टिङ गरेको छ । सर्ट लिस्टिङमा मिलन सिक्देल, अनु कार्की, उपमा पराजुली, प्रवेश ढकाल, कविन्द्र अधिकारी, उज्वल राज अर्याल र देवन्द्र धिताल रहेका छन् । उनिहरुलाई चैत २२ गते विहान ८ वजे अन्तर्वार्ताको लागि बीमा समिति बोलाइएको छ ।
त्यस्तै तथ्याङ्कशास्त्री पदका लागि आवेदन दिने मध्ये शशि भुषाल, शिशिर रेग्मी र बसन्त प्रसाद बोहोरा सर्टलिस्टिङमा परेका छन् । उनिहरुलाई चैत २२ गते साझ ५ बजेर १५ मिनेटमा अन्तर्वार्ताका लागि बोलाइएको छ ।
सूचना प्रविधि अधिकृत पदका लागि आवेदन दिने मध्ये सरोज पोखरेल, अमित झा र दिनेश कुमार भट्ट सर्ट लिस्टमा परेको छन् । उनिहरुलाई चैत २२ गते साझ ६ बजे अन्तर्वार्ताका लागि बीमा समितिमा बोलाइएको छ ।
बीमा समितिमा सूर्य प्रसाद सिलवाल अध्यक्षमा नियुक्त हुने वित्तीकै तीन पदका लागि करारमा नियुक्त गर्ने प्रकृयाँ अगाडि बढाइएको हो । समितिले प्रदान गर्ने तथ्याङ्कमा त्रुटी हुँदा समिति प्रति नै विश्वसनियता गुम्दै आएको छ । चार्टर्ड एकाउन्टेण्ट, तथ्याङ्कशास्त्री र सूचना प्रविधि अधिकृतको नियुक्ति पछि समितिले प्रदान गर्ने तथ्याङ्कमा समस्या नहुने समितिले जनाउदै आएको छ । समितिले यसका लागि सफ्टवेर पनि तयारी पारिरहेको छ ।
