काठमाडौं । मध्यपश्चिमाञ्चल विश्वविद्यालय र नेपाल उद्योग वाणिज्य महासंघबीच व्यवस्थापकीय सम्झौता भएको छ । मध्यपश्चिमाञ्चल विश्वविद्यालय स्कुल अफ म्यानेजमेन्ट र नेपाल उद्योग वाणिज्य महासंघ कर्णाली प्रदेशकाबीच आर्थिक स्रोतको खोजी, व्यवस्थापन, सम्भाव्यताको पहिचान, लगानी तथा बजारीकरण गर्न सहयोग गर्नका लागी सम्झौता भएको हो ।
सम्झौता पत्रमा मुसोमको तर्फबाट निर्देशक डा। सुशिल कुमार शाही र नेपाल उद्योग वाणिज्य महासंघका कर्णाली प्रदेशका तर्फबाट अध्यक्ष पदम बहादुर शाहीले हस्ताक्षर गरे ।
कार्यक्रममा विश्वविद्यालयका उपकुलपति प्राडा नन्दबहादुर सिंह, रजिष्ट्रार प्रा.डा. नारायण प्रसाद पौडेल तथा अन्य सम्बन्धित व्यक्तित्वहरुको उपस्थिति रहेको थियो । सो सम्झौता अवधि ५ वर्षको रहने महासंघले जनाएको छ ।
