काठमाडौं । पेशागत बीमा अभिकर्ता संघ नेपाल, बीमक समिति नेपाल लाइफ इन्स्योरेन्सले चैत १० गते बीमा अभिकर्ता सशक्तिकरण अभियान २०७७ सञ्चालन गर्ने भएको छ । कार्यक्रममा काठमाडौं उपत्यका भित्रका शाखा तथा उपशाखामा कार्यरत अभिकर्ता, व्यवसाय संयोगक, एजेन्सी मेनेजर तथा सिनियर एजेन्सी मेनेजरहरुको सहभागिता हुने संघले जनाएको छ ।
उक्त अभियानमा बीमितको बोनस बृद्धिका विषयमा छलफल हुने छ । त्यस्तै समय सापेक्ष नयाँ-नयाँ बीमा योजनाकहरुको सम्बन्धमा अभिकर्ताहरुलाई जानकारी दिइने संघका अध्यक्ष राजेन्द्र अमात्यले जानकारी दिए । अभियानमा अभिकर्ता बि.सी तथा एएमहरुको सेवा सुविधा बृद्धिका सम्बन्धमा पनि छलफल हुने छ । कार्यक्रम राष्ट्रिय सभा गृह प्रदर्शनीमार्गमा दिउसो एक बजे हुने भएको छ ।
