काठमाडौं । नेपाली बजारमा आज पनि सुनको मूल्य घटेको छ । हिजो तोलाको ८६ हजार ५ सय रुपैयाँमा कारोबार भएको छापावाला सुनको मूल्य आज तोलामा ९ सय रुपैयाँले घटेर तोलाको ८५ हजार ६ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।
त्यस्तै, आज तेजावी सुनको मूल्य ८५ हजार १ सय ५० रुपैयाँमा कारोबार भइरहेको छ । हिजो तोलाको १ हजार २ सय ८५ रुपैयाँमा कारोबार भएको चाँदीको मूल्य आज ३५ रुपैयाँले घटेर तोलाको १ हजार २ सय ५० रुपैयाँमा कारोबार भएको महासंघले जनाएको छ ।
