काठमाडौं । जनरल इन्स्योरेन्स कम्पनी नेपाल लिमिटेडले चालु आर्थिक वर्षको दोस्रो त्रैमासको अपरिष्कृत वित्तीय विवरण सार्वजनिक गरेको छ । कम्पनीले चालु आर्थिक वर्षको दोस्रो त्रैमासमा ११ करोड ९७ लाख रुपैयाँ आर्जन गरेको छ । गत आर्थिक वर्षको सोही अवधिमा कम्पनीले १३ करोड २८ लाख रुपैयाँ खुद बीमा शुल्क आर्जन गरेको थियो । गत आर्थिक वर्षको सोही अवधिको तुलनामा कम्पनीको खुद बीमा शुल्क आर्जन ९ प्रतिशतले घटेको छ ।
चालु आर्थिक वर्षको पुस मसान्तसम्ममा कम्पनीले ३ करोड ६४ लाख रुपैयाँ खुद नाफा कमाएको छ । गत आर्थिक वर्षको सोही अवधिको तुलनामा १५९ दशमलव ३६ प्रतिशत बढी हो । गत आर्थिक वर्षको सोही अवधिसम्ममा कम्पनीले १ करोड ४० लाख रुपैयाँ खुद नाफा कमाएको थियो।
१ अर्ब चुक्ता पूँजी रहेको कम्पनीको जगेडा कोषमा ६ करोड ६२ लाख रुपैयाँ, बीमा कोषमा ७ करोड ४८ लाख रुपैयाँ र महाविपत्ती कोषमा ७३ लाख रुपैयाँ सञ्चित छ ।
समिक्षा अवधिमा कम्पनीले २ करोड ७३ लाख रुपैयाँ खुद दाबी भुक्तानी गरेको छ । गत आथिृक वर्षको सोही अवधिमा कम्पनीले ३ करोड २३ लाख रुपैयाँ खुद दाबी भुक्तानी गरेको थियो । गत आर्थिक वर्षको सोही अवधिको तुलनामा कम्पनीको खुद दाबी भुक्तानी घटेको छ ।
पुस मसान्तसम्ममा कम्पनीले ४२ हजार ७ सय १५ बीमालेख जारी गरेको छ । यस अवधिसम्ममा कम्पनीले १७९ दाबी बापत ७ करोड ५४ लाख रुपैयाँ कुल दाबी भुक्तानी गरेको छ ।
समिक्षा अवधिमा कम्पनीको प्रतिशेयर आम्दानी ७ रुपैयाँ २८ पैसा रहेको छ । प्रतिशेयर नेटवर्थ १ सय १४ रुपैयाँ ८४ पैसा रहेको छ । कम्पनीको मुल्य आम्दानी अनुपात ८१.९६ गुणा रहेको छ ।
