काठमाडौं । एलआईसी नेपालको गत शुक्रबार चेयरमेन क्लब सदस्यहरुको बार्षिक सम्मेलन सम्पन्न भएको छ । उक्त सम्मेलन सोल्टी होटलमा सम्पन्न भएको कम्पनीले जनाएको छ । आर्थिक बर्ष २०७६/७७ मा न्यु बिजनेशको आधारमा चेयरमेन क्लब सदस्य बन्न सफल भएका ५२० जना अभिकर्ताहरुको उपस्थितिमा उक्त सम्मेलन सम्पन्न भएको हो ।
कार्यक्रममा भारतबाट आएका जीवन बीमा बिज्ञ तथा प्रशिक्षक शैयद अफ्जल अहमदले जीवन बीमा बिक्रय कला र चुनौतीका सम्बन्धमा प्रशिक्षण दिएका थिए ।
त्यस्तै, कार्यक्रममा कम्पनीका सिइओ लक्ष्मी प्रसाद दासले सबै चेयरमेन क्लबका सदस्यहरुलाई बधाइ दिदै कम्पनीको बर्तमान अवस्था र चुनौतीहरुको बारेमा प्रकाश पारे ।
त्यसैगरी, कार्यक्रममा डेपुटी सिइओ टी. बर्णवालले आगामि ६ महिनामा अभिकर्ताहरुले व्यवसाय बृद्धिको लागि गर्नुपर्ने कार्यहरुको बारेमा चर्चा गरे ।
कार्यक्रममा ४५ जना बीमा सम्राट अभिकर्ताहरुलाई ट्रफी र प्रमाणपत्र दिइ सम्मान गरिएको थियो भने २२० जना विशेष अभिकर्ताहरुलाई चाँदीको सिक्का र प्रमाणपत्र दिई सम्मान गरिएको थियो ।
