काठमाडौं। नेपाली बजारमा सोमबार सुनको मूल्य तोलाको ५ सय रुपैयाँले बढेको छ। नेपाल सुनचाँदी व्यवासायी महासंघका अनुसार सोमबार छापावला सुनको मूल्य प्रतितोला ९२ हजार ६ सय रुपैयाँ निर्धारण गरिएको छ। त्यस्तै तेजावी सुनको मूल्य ९२ हजार एक सय रुपैयाँ कायम गरिएको छ। आइतबार नेपाली बजार सुनको कारोबार प्रति तोला ९२ हजार एक सय रुपैयाँमा भएको थियो।
त्यस्तै चाँदीको भाउमा पनि उल्लेख्य बृद्धि भएको छ। सोमबार चाँदीको मूल्य प्रतितोला ८० रुपैयाँले बढेको छ। नेपाली बजारमा प्रति तोला एक हजार चार सय रुपैयाँमा कारोबार भैरहेको छ।
