काठमाडौं । आज नेपाली बजारमा मंगलबार सुनको मूल्य प्रतितोला एक हजार एक सय रुपैयाँले बढेको छ । नेपाल सुनचाँदी व्यवसायी महासंघका अनुसार आज सुन तोलामा ११ सय रुपैयाँ र चाँदी १० रुपैयाले बढेको हो ।
आज मंगलबार छापावाला सुन प्रतितोला ९६ हजार ४ सय रुपैयाँ , तेजावी ९५ हजार ९ सय रुपैयाँ र चाँदी तोलामा १ हजार ३३५ रुपैयाँ तोकिएको महासंघले जनाएको छ ।
सोमबार छापावाला सुन प्रतितोला ९५ हजार ३ सय रुपैयाँ , तेजावी ९४ हजार ८ सय रुपैयाँ र चाँदी तोलाको १ हजार ३२५ रुपैयाँमा कारोबार भएको थियो ।
