काठमाडौं । पुँजि बजार सम्बन्धी कारोबार हुने नेप्सेको सर्भरमा आज पुनः समस्या देखिएको छ । सर्भर राम्रोसँग नचल्दा ब्रोकर कम्पनीहरुले राम्रोसँग काम गर्न नपाएको गुनासो गरेका छन् ।
बिहिवार नेप्सेको अनलाईन प्रणालीले ३० प्रतिशत मात्रै काम गरेको स्टक ब्रोकर कम्पनीहरुले जनाएका छन् । नेप्सेको सर्भर नचल्दा सेवाग्राहीले लिएको टिएमएस समेतले राम्रोसँग काम गरेको छैन ।
नेप्सेले यसअघि सिष्टम अडिट गर्ने सूचना निकाले पछि सेवा प्रदायक कम्पनी सुविसुले कुनै फेरबदल सिष्टम चल्ने बनाएको थियो । पछिल्लो पटक झण्डै दुई महिनादेखि नेप्सेको सिष्टममा समस्या देखिएको थिएन । नेप्से स्रोतका अनुसार धेरै समयपछि आज सर्भरमा समस्या देखिएको हो । नेप्सेले सिष्टम अडिट गर्ने कम्पनी छनौट गरी समस्या समाधान गर्न ढिलाई गर्दा बजारमा चलखेल गर्न सर्भर सेवा प्रदायक कम्पनीसँगको मिलेमतोमा चलखेल हुँदै आएको छ ।
नेप्सेको प्राथमिक सर्भर सेवा सुविसुले दिँदै आएको छ भने दोस्रो नम्वरका भायोनेट छ ।
