काठमाडौं । दुई जीवन बीमा कम्पनीहरुले आफ्ना बीमितहरुलाई व्यतित भएको बीमालेख नविकरणमा शत प्रतिशत छुट सुविधा दिने सूचना प्रकाशन गरेका छन् । आईएमई जनरल इन्स्योरेन्स र रिलायबल नेपाल लाईफ इन्स्योरेन्स कम्पनीले व्यतित बीमालेख नविकरणमा शत प्रतिशत छुट दिने निर्णय गरेका हुन् ।
आईएमई लाईफ इन्स्योरेन्स कम्पनीले एक सूचना जारी गर्दै यही मंसिर ८ गतेदेखि लागू हुने गरी मंसिर २१ गतेसम्म व्यतित बीमालेख नविकरण गर्दा सो बीमा शुल्कमा लाग्ने ब्याज तथा जरिवना दुवै छुट दिने कम्पनीले जनाएको छ ।
त्यस्तै, रिलायबल नेपाल लाईफ इन्स्योरेन्स कम्पनीले आगामी मंसिर ३० गतेसम्म सबै प्रकारको व्यतित बीमालेखहरु नविकरण गर्दा ब्याज तथा जरिवना शत प्रतिशत छुट दिने सूचनामार्फत जनाएको छ ।
दुवै कम्पनीहरुले व्यतित बीमालेख नविकरण गर्दा शतप्रतिशत जरिवना तथा ब्याज छुट दिने सम्बन्धी अवसरको फाइदा उठाउन अभिकर्ता तथा मार्केटिङ विभागमार्फत बीमा जनचेतना फैलाउने कार्य गरिरहेका छन् ।
