IME Life

आईपिओ जारी गर्ने प्रक्रियामा रहेको आईएमई लाईफ इन्स्योरेन्सको व्यवसायमा छलाङ, बीमा शुल्क आर्जन १३८ प्रतिशतले बृद्धि

SPIL
Sanima Reliance
GBIME

काठमाडौं । आईएमई लाईफ इन्स्योरेन्स कम्पनीले आर्थिक वर्ष २०७७।०७८ को वित्तीय विवरण सार्वजनिक गरेको छ । कम्पनीले चालु आर्थिक वर्षको पहिलो त्रैमासमा कम्पनीले खुद बीमा शुल्क आर्जन उल्लेख्य रुपमा बृद्धि गरेको छ । कम्पनीले चालु आर्थिक वर्षको पहिलो त्रैमासमा जीवन बीमा व्यवसायमै छलाङ मार्ने गरी प्रगति गर्न सफल भएको छ ।

कम्पनीले गत आर्थिक वर्षमा २२ करोड १९ लाख रुपैयाँ खुद बीमा शुल्क आर्जन गरेकोमा यस आर्थिक वर्षको पहिलो तीन महिनामा १३८ प्रतिशतले बृद्धि गर्न सफल भएको छ । नयाँ कम्पनी आईएमई लाईफले कोरोना महामारीकै बीचमा उल्लेख्य प्रगति गरेको आज प्रकाशित वित्तीय विवरणले देखाएकोछ । कम्पनीको कूल बीमा शुल्क समेत बृद्धि भएको छ । गत आवमा २२ करोड ८५ लाख रुपैयाँ कूल बीमा शुल्क आर्जन गरेको कम्पनीले चालु आवमा ५३ करोड ८४ लाख रुपैयाँ बीमा शुल्क आर्जन गर्न सफल भएको छ ।

Crest

त्यस्तै कम्पनीको बीमा कोषको आकारमा समेत उल्लेख्य रुपमा बृद्धि भएको छ । कम्पनीले एक वर्षमा झण्डै एक अर्ब रुपैयाँले जीवन बीमा कोषमा योगदान गरेको छ । अघिल्लो आवमा ८२ करोड तीन लाख रुपैयाँ जीवन बीमा कोषमा संचिती गरेको समीक्षा अवधीमा कम्पनीले एक अर्ब ७३ करोड १८ लाख रुपैयाँ संचिती गर्न सफल भएको छ । त्यस्तै महाविपत्ति कोषमा चार करोड ३५ लाख ७० हजार रुपैयाँ संचिती गरेको छ भने जगेडा कोषमा ३९ करोड ९१ लाख ६२ हजार रुपैयाँ संचिती गरी कूल कोषको आकार दु्ई अर्ब १७ करोड ४४ लाख रुपैयाँ पुर्याएको छ ।

आईएमई लाईफ इन्स्योरेन्स कम्पनीले चालु आर्थिक वर्षको पहिलो त्रैमासमा मुनाफामा समेत बृद्धि गर्न सफल भएको छ । कम्पनीले समीक्षा अवधीमा ४५ प्रतिशत मुनाफा बृद्धि गरी चार करोड ३० लाख ८१ हजार पुर्याउन सफल भएको छ । अघिल्लो वर्ष कम्पनीको खुद नाफा दुई करोड २५ लाख ८२ हजार रुपैयाँ रहेको थियो । जीवन बीमा कम्पनीहरुको मुनाफा भने बीमाङ्कीय मूल्याङ्कनको क्रममा हेरफेर हुनसक्ने छ ।

एक अर्ब ४० करोड चुक्ता पुँजि भएको कम्पनी आईएमई लाईफले छिट्टै आईपिओ निष्काशन गर्ने तयारीमा छ । कम्पनीले ६० करोड रुपैयाँ बराबरको कूल ६० लाख कित्ता आईपिओको लागि गत असोजमा नेपाल धितोपत्र बोर्डमा निवेदन दर्ता गरिसकेको छ ।

समीक्षा अवधीमा कम्पनीले यस त्रैमासमा ११ करोड २४ लाख २८ हजार रुपैयाँ दावी भुक्तानी गरेको छ । कम्पनीको प्रतिशेयर आम्दानी १२.३१ रुपैयाँ, प्रतिशेयर नेटवर्थ १२८.५१ रुपैयाँ र प्रतिशेयर सम्पत्तिको मूल्य २५५.३३ रुपैयाँ रहेको छ ।

इन्स्योरेन्स खबरको मोबाइल एप्स सार्वजनिक, यस्ता छन् सुविधा काठमाडौं।‌ इन्स्योरेन्स खबर डटकमले पाठकको सुविधाको लागि मोबाइल एप्स पनि सार्वजनिक गरेको छ। इन्स्योरेन्स‌ खबर एप्स एन्ड्रोइड फोनका लागि  गुगल...

प्रतिक्रिया दिनुहोस्

यो खबर पढेर तपाईंलाई कस्तो महसुस भयो ?

0%

खुसी

0%

दु :खी

0%

अचम्मित

0%

उत्साहित

0%

आक्रोशित

Vianet

सम्बन्धित समाचार

Insurance Khabar Mobile App Android and IOS