काठमाडौं । स्वास्थ्य बीमा बोर्डका कार्यकारी निर्देशक डा. दामोदर बसौलाले आज पदबहाली गरेका छन् । आजै स्वास्थ्य मन्त्रालयबाट पत्र बुझेका बसौलाले अपरान्ह स्वास्थ्य बीमा बोर्डको कार्यालयमा पुगेर पद बहाली गरेका हुन् ।
कार्यकारी निर्देशक डा. बसौलाले पदबहाली गर्दै सबै नेपाली जनताको मन मनमा स्वास्थ्य बीमा पुर्याउने प्रतिबद्धता व्यक्त गरेका छन् । डा. बसौलाले स्वास्थ्य बीमाको गुणात्मक र संख्यात्मक पहुँच बृद्धि आफ्नो मुख्य लक्ष्य भएको बताए ।
बोर्डका अध्यक्ष डा. सेनेन्द्र राज उप्रेती तथा कामु कार्यकारी निर्देशक डा. राधिका थपलियाले नवनियुक्त कार्यकारी निर्देशक बसौलालाई स्वागत गरेका थिए । बोर्ड स्वास्थ्य मन्त्रालय मातहत रहेको जनताको स्वास्थ्य बीमा सञ्चालन गर्न नेपाल सरकारद्वारा संस्थापित संस्था हो ।
