काठमाडौं । महामारीको रुपमा विश्वभर बितण्डा मच्चाइरहेको कोरोना भाइरसबाट संक्रमित हुनेको कूल संख्या नेपालमात्रै दुई लाख नाघेको छ ।
आज एकै दिन २५६९ जनामा कोरोना भाइरस पुष्टि भएसँगै कूल संक्रमितको संख्या दुई लाख नाघेको हो । स्वास्थ्य तथा जनसंख्या मन्त्रालयका अनुसार कुल संक्रमितको संख्या २ लाख २ हजार ३२९ पुगेको छ । सो मध्ये एक हजार १७४ जनाको मृत्यु भएको स्वास्थ्य तथा जनसंख्या मन्त्रालयका प्रबक्ता प्रा.डा. जागेश्वर गौतमले बताए ।
मन्त्रालयको तथ्याङ्क अनुसार नेपालामा हालसम्म संक्रमित भएका मध्ये एक लाख ६२ हजार २४३ जना संक्रमणमुक्त भएका छन् । पछिल्लो २४ घण्टामा मात्र १६६६ जना संक्रमणमुक्त भएको मन्त्रालयले जनाएको छ ।
