काठमाडौं । लुम्बिनी जनरल इन्स्योरेन्सले आफ्ना शेयरधनीहरुलाई वितरण गरेको करिब साढे आठ लाख कित्ता बोनस शेयर नेपाल स्टक एक्सचेन्जमा सूचिकृत भएको छ ।
कम्पनीले अघिल्लो आर्थिक वर्षको सञ्चालन मुनाफाबाट वितरण गरेको आठ लाख ५८ हजार कित्ता बोनस शेयर बुधबार नेप्सेमा सूचीकृत भएको नेप्सेले जनाएको छ । सूचिकृत भएपछि उक्त शेयर भोलिबाट कारोबार गर्न पाइनेछ ।
कम्पनीले आर्थिक वर्ष २०७५।७६ मा आर्जित मुनाफाबाट चुक्ता पूँजी ८८ करोड ३३ लाख ९३ हजार रुपैयाँको ८.१२५ प्रतिशत बोनस र बोनस शेयरमा लाग्ने कर बापत ०.४०६ लाभांश वितरण गरेको थियो ।
