काठमाडौं । नेपाल स्टक एक्सचेञ्जमा एनएलजी इन्स्योरेन्स कम्पनी लिमिटेडको बोनस शेयरमा मूल्य समायोजन भएको छ ।
कम्पनीको ७ प्रतिशत बोनस शेयर पछि नेप्सेले प्रतिकित्ता ६६५ रुपैयाँ ४२ पैसा कायम हुने गरी शेयर मूल्य समायोजन गरेको हो । नेप्सेले सोमबारको अन्तिम कारोबार मूल्य ७१२ रुपैयाँका आधारमा मूल्य समायोजन गरेको हो।
कम्पनीको कार्तिक ५ गते बुधबार बसेको सञ्चालक समितिको बैठकले गरेको निर्णय अनुसार १४औं वार्षिक साधारण सभा मंसिर ५ गते, शुक्रबार कम्पनीको रजिष्टर्ड कार्यालय पानीपोखरी, काठमाडौंमा बिहान १० बजेबाट वेबिनार मार्फत सञ्चालन हुने जनाएको छ ।
सभामा आर्थिक वर्ष २०७५/०७६ सम्मको सञ्चित मूनाफाबाट कम्पनीका शेयरधनीहरूलाई ७ प्रतिशतले हुन आउने ७ करोड १७ लाख २५ हजार ५ सय रूपैयाँ बराबरको बोनस शेयर र कर प्रयोजनको लागि ०.३७ प्रतिशतले हुन आउने ३७ लाख ७५ हजार रूपैयाँ नगद लाभांश वितरण गर्ने विशेष प्रस्ताव पारित गरिने लगायतका प्रस्ताव रहेका छन् ।
