काठमाडौं । अमेरिका र युरोपमा मिन्क नामक पंशुबाट मानिसमा कोरोना सरेपछि विश्वभर नयाँ आतंक छाएको छ ।
डेनमार्कले एक करोड ५० लाख मिन्कको मार्ने घोषणा गरेको छ । युरोप र अमेरिकामा मासुका लागि मिन्क प्रजातीका खरायो जस्तै जीवको व्यवसायिक रुपमा पालन गर्ने गरिएको छ । डेनमार्कमा कूल एक करोड ७० लाख मिन्क मध्ये एक करोड ५० लाख मिन्कलाई मार्ने घोषणा गरिसकेको छ । मिन्कबाट मानिसमा सरेको कोरोना भाइरसले अणुवांशिक परिर्वतन भएको पाइएपछि विश्वभर कोरोना भाइरसको अर्को आतंक आउनसक्ने चेतावनी दिइएको हो ।
कतिपय बैज्ञानिकहरुले कोरोना भाइरसले दर्जनौं पटक यसरी स्वरुप परिवर्तन गरेर मानव सभ्यतामाथि गम्भिर असर पार्न नसक्ने चेतावनी दिएको अन्तर्राष्ट्रिय सञ्चार माध्यमहरुले जनाएका छन् ।
यसैबीच, पछिल्लो साता विश्वभर कोरोना भाइरसले नयाँ तरंग उत्पन्न गरेको छ । विश्वभर दैनिक नौ हजार भन्दा बढिको ज्यान गइरहेको छ भने संक्रमित हुनेको संख्या दैनिक छ लाख भन्दा बढि पुगेको छ । युरोपका देशहरु फ्रान्स, डेनमार्क, बेलायतमा कोरोना संक्रमण उच्च हुन पुगेकाले लकडाउन गरिएको छ ।
