काठमाडौं । मिथिला लघुवित्तले पहिलो त्रैमासको वित्तीय विवरण सार्वजनिक गरेको छ ।लघुवित्तले चालु आर्थिक वर्षको पहिलो त्रैमासमा १ करोड ५७ रुपैयाँ नाफा आर्जन गर्न सफल भएको छ।
अघिल्लो आर्थिक वर्षको सोहि अवधिमा कम्पनीले ४६ लाख २ हजार रुपैयाँ मात्र नाफा आर्जन गरेको थियो ।अघिल्लो बर्षको तुलनामा लघुवित्तको नाफा २४२.५२ प्रतिशतले बढेको हो । यता, कम्पनीको खुद ब्याज आम्दानी र सञ्चालन नाफा पनि क्रमशः ३६ दशमलव १३ प्रतिशत र २००.४१ प्रतिशतले बढेको छ ।
अघिल्लो आ.वमा १ करोड ८८ लाख रुपैयाँ मात्र खुद ब्याज आम्दानी गरेको कम्पनीले यस त्रैमाससम्ममा बढाएर २ करोड ५६ लाख रुपैयाँ पुराएकोे छ ।यस्तै, कम्पनीले सञ्चालन नाफा पनि ७१ लाख ८४ हजार रुपैयाँबाट बढेर २ करोड १५ लाख रुपैयाँ पुगेको छ ।
यस अवधिसम्ममा लघुवित्तले ४१ करोड १६ लाख रुपैयाँ निक्षेप संकलन गर्दा १ अर्ब ४५ करोड ५८ लाख रुपैयाँ कर्जा लगानी गरेको छ ।
हाल लघुवित्तको चुक्ता पुँजी १२ करोड १७ लाख रुपैयाँ रहेको छ भने जगेडा कोषमा ८ करोड ४५ लाख रुपैयाँ रहेको छ । मिथिलाले यस त्रैमासमा खराब कर्जा पनि घटाउन सफल भएको छ ।
लघुवित्तको प्रतिसेयर आम्दानी ५१ रुपैयाँ ७९ पैसा र प्रतिसेयर नेटवर्थ १६९ रुपैयाँ ४७ पैसा रहेको छ ।
