काठमाडौं । डिसहोमले फाइबर नेटसँगै सिम टिभी सेवा दिने भएको छ। डिसहोमका फाइबर नेट प्रयोगकर्ताहरुले अब कम्बो प्याकेज अफर अन्तर्गत सिम टिभी सेवा पनि लिन सक्ने जनाएको छ ।
यस भन्दा अगाडि इन्टरनेट सेवा मात्रै दिइरहेको डिसहोमले अब आफ्नो स्वामित्वमा रहेको सिम टिभीमार्फत् केबल टेलिभिजन सेवा दिने जनाएको छ।
कम्पनीले उपभोक्ताहरुलाई वार्षिक भ्याटबाहेक १५ हजार ९ सय ९९ रुपैयाँमा २५ एमबीपीएसको फाइबरनेटसँगै सिम टिभी जडान गर्न सक्ने जनाएको छ।
त्यस्तै, ४० एमबीपीएस फाइबर नेट र सिम टिभीको वार्षिक शुल्क २० हजार ४ सय ९९ रुपैयाँ रहेको डिशहोमले बताएको छ।
