काठमाडौं । बुधबार एकै दिन ३ हजार ३ सय ९ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार बुधबार थप भएको संख्यासँगै नेपालमा कोरोना संक्रमितको संख्या १ लाख ८२ हजार ९ सय २३ पुगेको छ ।
मन्त्रालयका प्रबक्ता डा. जागेश्वर गौतमका अनुसार पछिल्लो २४ घण्टामा १३ हजार १ सय ४४ जनाको पीसीआर परीक्षण गरिएकोमा करिब २५ प्रतिशतमा कोरोना संक्रमण पुष्टि भएको हो । हाल देशभर सक्रिय संक्रमितको संख्या ३६ हजार ९ सय ११ रहेको छ भने १ हजार ३ सय ५ जना क्वारेन्टिनमा रहेको मन्त्रालयले जनाएको छ ।
मन्त्रालयका अनुसार पछिल्लो २४ घण्टामा कोरोना भाइरसबाट ३० जनाको मृत्यु भएको छ । हालसम्मको तथ्याङ्क अनुसार नेपालमा कोरोना भाइरसबाट ज्यान गुमाउनेको संख्या १ हजार ३४ पुगेको छ ।
