IME Life

रेल बीमा पोलिसी जारी गर्न ढिलाई, तयारी शून्य

SPIL
Sanima Reliance
GBIME

काठमाडौं । नेपाल सरकारको अग्रसरतामा रेल विभाग गठन भई नेपालले किनेको दुई वटा रेल नेपाल आईसकेको छ । रेल विभागले तिहार लगत्तै रेल सेवा सुरु गर्ने तयारी गरेको छ । तर, नेपालमा सञ्चालन हुने रेल तथा त्यसका यात्रुहरुको बीमा गर्ने सम्बन्धी व्यवस्था नहुँदा अन्योलता बढेको छ । बीमा समितिका अनुसार रेल बीमा सम्बन्धी कुनै तयारी भएको छैन ।

रेल बीमाको मस्यौदा बनाउने, छलफल नहुँदा बीमाकै कारण रेल सेवा सञ्चालनमा ढिलाई हुनसक्ने देखिएको छ । यद्यपि सरोकारवाला निकाय रेल विभागले समेत रेल बीमाको लागि कुनै चासो देखाएको छैन । रेल विभागले चासो नदेखाउँदा बीमा समिति र नेपाल बीमक संघ पनि मौन देखिएका छन् ।

Crest

नेपाल बीमक संघले रेल बीमाको लागि कुनै तयारी तथा छलफल नभएको जनाएकोे छ । संघका सचिव चंकी क्षेत्रीले रेल बीमाबारे कुनै छलफल नभएको बताए । उनले भने, ‘रेल सञ्चालन हुँदासम्म बीमा गर्न सकिन्छ, बीमाकै कारण रेल सञ्चालनमा बाधा पर्दैन ।’

उता, रेल विभागले भने रेल सेवा सञ्चालन हुनुअघि बीमा गर्नुपर्ने विषयबारेमा कुनै छलफल नभएको जनाएको छ । विभागका सूचना अधिकारी अमन चित्रकारले रेल सञ्चालन गर्नुअघि बीमा अनिवार्य भएपनि सो सम्बन्धमा कुनै छलफल नगरिएको बताए ।

नेपालले करिब एक अर्ब रुपैयाँमा खरिद गरेको दुई वटा रेल गत असोज १ गते नै नेपाल आईसकेको छ । नेपाल रेलवे कम्पनीले सञ्चालन गर्ने रेलको नियमन भौतिक पूर्वाधार तथा यातायात व्यवस्था मन्त्रालय अन्तर्गतको रेल विभागले गर्नेछ । विभागका अनुसार आवश्यक पूर्वाधार निर्माण तथा पूर्व तयारीका कारण रेल सञ्चालनमा ढिलाई भएको हो ।

रेल सञ्चालनको पूर्व तयारी मध्ये बीमा समेत एक हो । बीमा गर्नको लागि बीमा समितिले रेल सम्बन्धी नयाँ बीमा पोलिसी मस्यौदा गरी बीमा समितिको बैठकबाट पारित हुनु पर्दछ । बीमा समितिमा असोजको पहिलो साता रेल बीमा पेलिसी सम्बन्धी सामान्य छलफल भएपनि औपचारिक रुपमा प्रक्रिया अघि बढेको छैन ।

इन्स्योरेन्स खबरको मोबाइल एप्स सार्वजनिक, यस्ता छन् सुविधा काठमाडौं।‌ इन्स्योरेन्स खबर डटकमले पाठकको सुविधाको लागि मोबाइल एप्स पनि सार्वजनिक गरेको छ। इन्स्योरेन्स‌ खबर एप्स एन्ड्रोइड फोनका लागि  गुगल...

प्रतिक्रिया दिनुहोस्

यो खबर पढेर तपाईंलाई कस्तो महसुस भयो ?

0%

खुसी

0%

दु :खी

0%

अचम्मित

0%

उत्साहित

0%

आक्रोशित

Vianet

सम्बन्धित समाचार

Insurance Khabar Mobile App Android and IOS