IME Life

कोरोना बीमाको कारण २८ अर्ब लगानीमा सञ्चालित २१ बीमा कम्पनीको भविष्य जोखिममा

SPIL
Sanima Reliance
GBIME

काठमाडौं । कोरोना बीमाको कारण २८ अर्ब चुक्ता पुँजि सहित नेपालमा सञ्चालित १९ वटा बीमा कम्पनीहरुको भविष्य जोखिममा परेको छ । बीमा समितिले २०७७ बैशाख ७ गतेबाट सुरु गरेको कोरोना बीमाका कारण नेपालमा दर्ता भई सञ्चालित १८ वटा निर्जिवन बीमा कम्पनी, एक वटा पुनर्बीमा कम्पनीको भविष्य जोखिममा परेको हो । त्यस्तै, दुई भारतीय कम्पनीको नेपालस्थित शाखा कार्यालयको भविष्य समेत कोरोना बीमाकै कारण जोखिममा समेटिएका छन् ।

बीमा समितिले जारी गरेको कोरोना बीमा मापदण्ड २०७७ अनुसार नेपाल पुनर्बीमा कम्पनीलाई समेत कोरोना बीमामा जबरजस्ती मुछेको छ । कोरोना बीमा मापदण्ड २०७७ मा नेपाल पुनर्बीमा कम्पनीले एक अर्बको दायित्व बहन गर्नुपर्ने उल्लेख गरेको छ । त्यस्तै प्रत्येक निर्जिवन बीमा कम्पनीहरुले पाँच करोडका दरले जोखिम बहन गर्ने कोरोना बीमा मापदण्ड २०७७ मा उल्लेख छ । जसका कारण १० अर्ब लगानीमा सञ्चालित एक मात्र अन्तर्राष्ट्रिय कारोबार गर्ने नेपालको एक मात्र कम्पनीको भविष्य जोखिममा परेको छ । त्यस्तै निर्जिवन बीमा कम्पनीहरुको भविष्य समेत जोखिममा परेको छ ।

Crest

कोरोना बीमा मापदण्ड २०७७ मा बीमा समिति र नेपाल सरकारले समेत जोखिम बहन गर्ने उल्लेख गरिएको शर्तका विरुद्धमा सर्वोच्च अदालतमा मुद्दा परेकाले कोरोना बीमाबाट उत्पन्न सम्पूर्ण जोखिम २० वटा निर्जिवन बीमा कम्पनी र एक वटा पुनर्बीमा कम्पनीमाथि पर्ने सम्भावना समेत बढेको छ । रिट निवेदकको माग बमोजिम फैसला भएमा कोरोना बीमाको सम्पूर्ण जोखिम २१ कम्पनीमा सीमित हुनेछ । त्यस्तो अवस्थामा सबै निर्जिवन कम्पनी र पुनर्बीमा कम्पनीमाथि थप दायित्वको भार पर्ने स्पष्ट छ ।

हालसम्म जारी गरिएको १५ लाख भन्दा बढि कोरोना बीमा पोलिसीका कारण एक खर्ब ५० अर्ब रुपैयाँको जोखिम नेपाली बीमा कम्पनीहरुको टाउकोमा थोपरिएको छ । नेपालमा दर्ता भएका १९ कम्पनीको कूल चुक्ता पुँजि २८ अर्ब छ । साथै दुई भारतीय कम्पनीले ग्यारेन्टी गरेको पुँजि समेत गर्दा कूल ३० अर्ब रुपैयाँका २१ वटा कम्पनीमाथि करिब १५० अर्बको दायित्व थोपरिँदा यी कम्पनीहरुको भविष्य जोखिममा परेको हो ।

हालसम्म २० हजार भन्दा बढि बीमितले दुई अर्ब भन्दा बढि रुपैयाँको बीमा दावीको लागि कम्पनीहरुमा कागजात पेश गरिसकेका छन् । हालसम्म करिब १५ करोड रुपैयाँ दावी भुक्तानी गरेको भएपनि अझै दुई अर्ब नजिक दावी बक्यौता बाँकी छ । कोरोना संक्रमितको दर लगातार बढ्ने क्रममा रहेकोले कोरोना बीमाको दावी अहिलेकै अवस्थामा पाँच अर्ब नाघ्ने विश्लेषण गरिएकोछ ।

इन्स्योरेन्स खबरको मोबाइल एप्स सार्वजनिक, यस्ता छन् सुविधा काठमाडौं।‌ इन्स्योरेन्स खबर डटकमले पाठकको सुविधाको लागि मोबाइल एप्स पनि सार्वजनिक गरेको छ। इन्स्योरेन्स‌ खबर एप्स एन्ड्रोइड फोनका लागि  गुगल...

प्रतिक्रिया दिनुहोस्

यो खबर पढेर तपाईंलाई कस्तो महसुस भयो ?

0%

खुसी

0%

दु :खी

0%

अचम्मित

0%

उत्साहित

0%

आक्रोशित

Vianet

सम्बन्धित समाचार

Insurance Khabar Mobile App Android and IOS