IME Life

निर्जिवन बीमा कम्पनीहरुको पहिलो त्रैमासः एनएलजी र युनाईटेडको प्रगति, नेपाल इन्स्योरेन्स निरन्तर घट्दै

SPIL
Sanima Reliance
GBIME

काठमाडौं । चालु आर्थिक वर्षको पहिलो त्रैमासको कूल बीमा शुल्कको आधारमा विश्लेषण गर्दा पुरानो कम्पनी युनाईटेड इन्स्योरेन्सले उल्लेख्य प्रगति गर्न सफल भएको छ भने एनएलजी इन्स्योरेन्सले बीमा क्षेत्रका अन्य अग्रणी कम्पनीहरुलाई कडा चुनौति दिने संकेत देखिएको छ ।

चालु आर्थिक वर्षको असोज महिनासम्मको कूल बीमा शुल्कको आधारमा विश्लेषण गर्दा केही वर्षदेखि निकै पछाडि रहेको युनाईटेड इन्स्योरेन्सको बीमा शुल्क आर्जन ५० प्रतिशतभन्दा बढिले बृद्धि भएको छ । एक तह सुधार गर्दै १६ औं स्थापनमा उक्लिन सफल भएको छ ।

Crest

गत आवको पहिलो त्रैमासमा १८ करोड कूल बीमा शुल्क आर्जन गरेको युनाईटेड इन्स्योरेन्सले यस वर्ष सोही अवधीमा बीमा शुल्क आर्जन २७ करोड पुर्याउन सफल भएको छ । त्यस्तै, एनएलजी इन्स्योरेन्सले कोरोना महामारीका बीचमा कूल बीमा शुल्क आर्जन १९ प्रतिशत भन्दा बढिले बृद्धि गर्न सफल भएको छ । गत आवको सोही अवधीमा ४४ करोड कूल बीमा शुल्क आर्जन गरेको कम्पनीले चालु आवको समीक्षा अवधीमा ५६ करोड बीमा शुल्क आर्जन गर्न सफल भएको छ ।

त्यस्तै, नेको इन्स्योरेन्सको कूल बीमा शुल्क आम्दानी उल्लेख्य रुपमा बृद्धि भएको छ । गत वर्ष कुल ५६ करोड बीमा शुल्क आम्दानी गरेकोमा चालु आवको प्रथम त्रमासको समीक्षा अवधीमा ६८ करोड रुपैयाँ कूल बीमा शुल्क आर्जन गरेको छ । त्यस्तै, दोस्रो र चौथो स्थानमा रहेका सगरमाथा र सिद्धार्थ इन्स्योरेन्स कम्पनीको बीमा शुल्क आर्जन सामान्य अंकले मात्रै बृद्धि भएको छ ।

त्यस्तै प्रभु इन्स्योरेन्सले पनि चालु आवमा उल्लेख्य प्रगति गर्दै १२ औं स्थानबाट तल झरेर ७ औं स्थानमा आईपुगेको छ । चालु आवको प्रथम त्रैमाससम्ममा कूल बीमा शुल्कको आधारमा प्रभु इन्स्योरेन्सले समेत उल्लेख्य प्रगति गरेको छ । गत आवको प्रथम त्रैमासमा २९ करोड बीमा शुल्क संकलन गरेकोमा चालु आवमा ७ करोडले बृद्धि गरी कूल बीमा शुल्क ३६ करोड पुर्याउन सफल भएको छ ।

उता, नेपालको पुरानो तथा ऐतिहासिक बीमा कम्पनी नेपाल इन्स्योरेन्स कम्पनी लगातार खस्किने क्रममा रहेको छ । बीमा समितिको तथ्याङ्क अनुसार गत वर्ष ३३ करोड रुपैयाँ कूल बीमा शुल्क आर्जन गरी ९ औं स्थानमा रहेको नेपाल इन्स्योरेन्स कम्पनीले यस आवको पहिलो त्रैमासमा कूल बीमा शुल्क १ करोड रुपैयाले घटेर ११ औं स्थानमा पुगेको छ ।

अन्तिममा रहेको सानिमा जनरल इन्स्योरेन्सले गत वर्ष ८ करोड रुपैयाँ कूल बीमा शुल्क आर्जन गरेकोमा यस आवको पहिलो त्रैमासमा डेढ गुणाले बृद्धि गरी १२ करोड रुपैयाँ बनाउन सफल भएको छ । त्यस्तै, सबैभन्दा ठूलो कम्पनी शिखरको कूल बीमा शुल्क गत वर्ष ९२ करोड रहेकोमा यस आवको पहिलो त्रैमासमा कोभिडका कारण घटेर ९० करोडमा सीमित भएको छ ।

गत आवको पहिलो त्रैमास

गत आर्थिक वर्ष पहिलो त्रैमास

इन्स्योरेन्स खबरको मोबाइल एप्स सार्वजनिक, यस्ता छन् सुविधा काठमाडौं।‌ इन्स्योरेन्स खबर डटकमले पाठकको सुविधाको लागि मोबाइल एप्स पनि सार्वजनिक गरेको छ। इन्स्योरेन्स‌ खबर एप्स एन्ड्रोइड फोनका लागि  गुगल...

प्रतिक्रिया दिनुहोस्

यो खबर पढेर तपाईंलाई कस्तो महसुस भयो ?

0%

खुसी

0%

दु :खी

0%

अचम्मित

0%

उत्साहित

0%

आक्रोशित

Vianet

सम्बन्धित समाचार

Insurance Khabar Mobile App Android and IOS