IME Life

एकै महिनामा ६ लाख ३८ हजार निक्षेपकर्ताको बीमा

SPIL
Sanima Reliance
GBIME

काठमाडौं । निक्षेप तथा कर्जा सुरक्षण कोषमा निक्षेप तथा कर्जाको बीमा संख्या बढेको छ । कोषले उपल्ब्ध गराएको तथ्याङ्क अनुसार साउन महिनामा मात्रै ६ लाख ३८ हजार निक्षेपकर्ताको बीमा गराएको जनाएको छ ।कोषका सिईओ विष्णुबाबु मिश्रले साउन मसान्तसम्ममा निक्षेप बीमाको खाता संख्या बढेको र एक महिनामा ६ लाख ३८ हजार निक्षेपकर्ताको निक्षेप सु्रक्षण गरिएको बताए ।

साउनसम्ममा सबै बैंक तथा वित्तीय संस्थाका २ करोड ६६ लाख ६४ हजार प्राकृतिक व्यक्तिका नाममा रहेको बचत, चल्ती, कल तथा मुद्दती निक्षेपको बीमा गरिएको छ । ती बैंकका वित्तीय संस्थामा जम्मा भएको ७ खर्ब १६ अर्ब भन्दा बढी निक्षेपको बीमा गरिएको कोषले जनाएको छ । कोषले गत असार मसान्तसम्ममा ७२ ओटा बैंक तथा वित्तीय संस्थाका २ करोड ६० लाख खातामा रहेको रकम ६ खर्ब ८९ अर्ब ४९ करोड रुपैयाँ निक्षेप सुरक्षण गरेको थियो ।

Crest

कोषले २०७५ कात्तिकदेखि बैंक तथा वित्तीय संस्थामा बचत तथा मुद्दती खातामा रहेका  ३ लाख रुपैयाँसम्मको निक्षेप जम्मा गर्ने ग्राहकको बीमा (सुरक्षण) सुविधा दिँदै आएको छ ।

त्यसअघि भने २ लाखसम्मको निक्षेप सुरक्षण गरिन्थ्यो । अघिल्लो आबको बजेटमार्फत नेपाल सरकारले निक्षेप बीमाको सीमा बढाएर तीन लाख पुर्याएको हो । नेपाल राष्ट्र बैंकले गरेको व्यवस्था अनुसार बैंक तथा वित्तीय संस्थाले बैंकमा प्राकृतिक व्यक्तिका नाममा बचत तथा मुद्दती खातामा एक रुपैयाँदेखि करोडौं रुपैयाँ राखे पनि उनीहरूले ३ लाखसम्म मात्र बीमा सुविधा पाउनेछन् ।

निक्षेपबाहेक कोषले बैंक तथा वित्तीय संस्थामा अधिकतम रू. २ करोडसम्मको साना तथा मझौला (एसएमई) तथा कृषि कर्जा, र अधिकतम  १५ लाख रुपैयाँसम्मको विपन्न वर्ग कर्जा लगायतको सुरक्षण गर्दै आएको छ । कोषले उपलब्ध गराएको तथ्याङ्क अनुसार साथै, ८ लाख ९९ हजार ऋणीको ८० अर्ब रुपैयाँ कर्जा समेत सुरक्षण गरिएको छ । त्यस्तै, साउन मसान्तसम्म्ममा कोषले लघुवित्त तथा विपन्न वर्गका ८ लाख ८२ हजार ऋणीको कर्जा बीमा गरिएको छ । उक्त संख्याको बीमा रकम ६९ अर्ब ३७ करोड रुपैयाँ बराबरको हो ।

सहुलियतपूर्ण कर्जाका १० हजार ८ सय ७३ ऋणीको कर्जा बीमा गरिएको छ । कोषका अनुसार उक्त सङख्याको ५ अर्ब ८६ करोड रुपैयाँ बराबरको बीमा भएको जनाएको छ । यसैगरी कृषिअन्तर्गत ३ हजार ८ सय ९७ जना ऋणीको कर्जा बीमा गरिएको छ । यो कर्जा २ अर्ब ७० करोड रुपैयाँ बराबरको रकम हो । साना तथा मझौला उद्यमअन्तर्गत १ हजार ४ सय १५ जना ऋणीको मात्र कर्जा बीमा भएको छ । कोषका अनुसार उक्त सङख्याको २ अर्ब ४४ करोड रुपैयाँको बीमा भएको जनाएको छ ।

त्यस्तै, पशुधन सुरक्षण कर्जा अन्तर्गत १० हजार ३ सय ३१ जना ऋणीको कर्जा बीमा गरिएको छ । यो कर्जा ६३ करोडको रुपैयाँको बीमा भएको छ । शैक्षिक तथा शैक्षिक बेरोजगार व्यवसाय कर्जा अन्तर्गत ६ जना ऋणीको कर्जा बीमा गरिएको छ भने सो कर्जा मार्फत १५ लाख रुपैयाँ संकलन भएको छ ।

इन्स्योरेन्स खबरको मोबाइल एप्स सार्वजनिक, यस्ता छन् सुविधा काठमाडौं।‌ इन्स्योरेन्स खबर डटकमले पाठकको सुविधाको लागि मोबाइल एप्स पनि सार्वजनिक गरेको छ। इन्स्योरेन्स‌ खबर एप्स एन्ड्रोइड फोनका लागि  गुगल...

प्रतिक्रिया दिनुहोस्

यो खबर पढेर तपाईंलाई कस्तो महसुस भयो ?

0%

खुसी

0%

दु :खी

0%

अचम्मित

0%

उत्साहित

0%

आक्रोशित

Vianet

सम्बन्धित समाचार

Insurance Khabar Mobile App Android and IOS