IME Life

दशैंमा दक्षिणाको उपयोगः बीमा पोलिसी खरिद, बालबालिकाको भविष्य सुनिश्चित

SPIL
Sanima Reliance
GBIME

काठमाडौं । दशै नेपालीहरुको महान चार्डपर्व हो । दशैमा ठूलाबडाको हातबाट टीका लगाएर आशिष र दक्षिणा लिने प्रचलन पुखौंदेखि चलिआएको चलन हो । दशै भन्ने वित्तिकै झन साना साना बाबु नानीहरु हर्षित हुने गर्दछन् । किनकि दशैमा मान्यजनको हातबाट सानालाई टिका लगाएर दक्षिणा दिने प्रचलन रहेको छ । साथै दशैमा नयाँ नयाँ कपडा र मिठो मिठो भोजन गर्ने प्रचलन रहेको कारण पनि होला बच्चाहरु धेरै खुशी हुने गरेको देखिन्छ ।

हिन्दु परम्पराबाट अभिप्रेरित नेपाली समाजमा दशैंलाई विशेष रूपमा मनाइँदै आएको पाइन्छ । साथै, पछिल्लो समय टीका लगाएर दक्षिणा दिने परिपाटीको झन विकास भएको पाइन्छ, जसअनुसार सीमित वर्ग र समुदाय बाहेकका बालबालिकाले दशैंमा उच्च परिमाणमा दक्षिणा सङ्कलन गर्दछन् । तर, यसरी अतिरिक्त रूपमा आउने पैसा अनावश्यक क्षेत्रमा खर्च भइरहेको देखिन्छ । यही पैसालाई संकलन गरी बालबालिकाको लागि राम्रो बीमा पोलिसी खरिद गरिदिने हो भने भविष्यमा बालबालिकाको शैक्षिक क्षेत्रमा सहयोग ह’ने थियो ।

Crest

बीमा गर्दा प्रत्येक दशैंमा दक्षिणामार्फत जम्मा हुने रकमले बीमाशुल्क भुक्तानीमा पनि सहज हुन सक्दछ । १५ वर्षे बीमा अवधिमा ६ देखि ७ हजारसम्म वार्षिक बीमाशल्क बुझाउँदा १ लाख रुपैयाँ बीमांक बराबरको बीमा गर्न सकिन्छ । उक्त बीमाको समयावधि सकिएपछि बोनस सहित करीब २ लाख रुपैयाँ कम्पनीले बीमितलाई प्रदान गर्छ ।

यता, पैसा बचत पनि भयो भने उता भविष्य सुनिश्चत पनि हुने भयो । उक्त रकमले उच्च शिक्षालगायत आधारभूत आवश्यकता परिपूर्तिमा समेत सघाउन मद्दत गर्ने गर्दछ । त्यसकारण दशैमा जम्मा भएको रकमलाई सही ठाउँमा लगानी गर्न सकियो भने बालबालिकाको भविष्य उज्जवल हुनेछ ।

आज बच्चाले सानै उमेरबाट दशैमा पाउने दक्षिणा बचत गरी बीमा गर्यो भने भोलि त्यो बालबालिकालाई उच्च शिक्षा पढ्नमा सहयोग हुन्छ । भोलि बालबालिका ठुलो भएपछि विविध कारणवश अभिभावकसँग उच्च शिक्षा पढाउने खर्च नहुन सक्छ । त्यसैले आजै बालबालिकाकै थोरै पैसा जोहो गरी सानै उमेरबाट बालबालिकाको बीमा गर्न सकियो भने अभावकै कारण उनीहरू शिक्षाबाटै वञ्चित हुनुपर्ने अवस्था पनि निम्तन सक्छ । त्यसैले, भविष्यमा हुन सक्ने त्यस्ता जोखीम घटाउन अभिभावकले बच्चाको शैक्षिक बीमा गरिदिन सबैभन्दा राम्रो र सुरक्षित बचत हो ।

इन्स्योरेन्स खबरको मोबाइल एप्स सार्वजनिक, यस्ता छन् सुविधा काठमाडौं।‌ इन्स्योरेन्स खबर डटकमले पाठकको सुविधाको लागि मोबाइल एप्स पनि सार्वजनिक गरेको छ। इन्स्योरेन्स‌ खबर एप्स एन्ड्रोइड फोनका लागि  गुगल...

प्रतिक्रिया दिनुहोस्

यो खबर पढेर तपाईंलाई कस्तो महसुस भयो ?

0%

खुसी

0%

दु :खी

0%

अचम्मित

0%

उत्साहित

0%

आक्रोशित

Vianet

सम्बन्धित समाचार

Insurance Khabar Mobile App Android and IOS