IME Life

आर्थिक बर्षको दोस्रो महिनामा वस्तु निर्यात १०%ले बढ्यो, आयात २२%ले घट्यो

SPIL
Sanima Reliance
GBIME

काठमाडौं । आर्थिक वर्ष २०७७/७८ को दुई महिनामा कुल वस्तु निर्यात १० दशमलव ५ प्रतिशतले वृद्धि भई २० अर्ब ४४ करोड पुगेको छ । अघिल्लो वर्षको सोही अवधिमा यस्तो निर्यात २५ दशमलव ९ प्रतिशतले वृद्धि भएको थियो । नेपाल राष्ट्र बैंकले वुधवार सार्वजनिक विवरणले यस्तो देखाएको हो ।

गन्तव्यका आधारमा भारततर्फ १८ दशमलव ७ प्रतिशतले निर्यात वृद्धि भएको छ भने चीन तथा अन्य मुलुकतर्फ क्रमशः ५४ दशमलव ९ प्रतिशत र २ दशमलव ९ प्रतिशतले घटेको छ । वस्तुगत आधारमा आयुर्वेदिकऔषधी, चाउचाउ, जडिबुटी, जुटका सामान, पश्मिना लगायतका वस्तुको निर्यात बढेको छ भने पाम तेल, दाल, जुस, लत्ताकपडा, जस्तापाता लगायतका वस्तुको निर्यात घटेको छ ।

Crest

त्यस्तै, आर्थिक वर्ष २०७७/७८ को दुई महिनामा कुल वस्तु आयात २२ दशमलव १ प्रतिशतले घटेर १ खर्ब ७८ अर्ब ८५ करोड रुपैयाँमा कायम भएको छ ।अघिल्लो वर्षको सोही अवधिमा यस्तो आयात १ दशमलव २ प्रतिशतले घटेको थियो । वस्तु आयात गरिने मुलुककाआधारमा भारत, चीन तथा अन्य मुलुकबाट भएको आयात क्रमशः १६ दशमलव ५ प्रतिशत, ४० दशमलव १ प्रतिशत र २३ दशमलव ६ प्रतिशतले घटेको छ ।

वस्तुगत आधारमा चामल, कच्चा सोयाविन तेल, दूरसंचारका उपकरण तथा पार्टपुर्जा, खाने तेल, कोइला लगायतका वस्तुको आयात बढेको छ भने पेट्रोलियम पदार्थ, यातायातका साधन तथा पार्टपुर्जा, अन्य मेसिनरी तथा पार्टपुर्जा, तयारी पोशाक, कच्चा पाम तेल लगायतका वस्तुको आयात घटेको छ ।

निर्याततर्फ वीरगञ्ज, भैरहवा, विराटनगर, नेपालगञ्ज, मेची, कृष्णनगर र कैलाली भन्सार कार्यालय बाहेकका नाकाबाट गरिएको निर्यातमा ह्रास आएको छ । आयाततर्फ नेपालगञ्ज, कृष्णनगर र कैलाली भन्सार कार्यालय बाहेकका नाकाबाटभएको आयातमा ह्रास आएको छ ।

आर्थिक वर्ष २०७७/७८ को दुई महिनामा वस्तु व्यापार घाटामा सुधार आएको छ । यस्तोघाटामा २४ दशमलव९ प्रतिशतले कमी आई १५८ अर्ब ४० करोड कायम भएको छ । अघिल्लो वर्षको सोही अवधिमा यस्तो घाटा ३ दशमलव १ प्रतिशतलेह्रास आएको थियो । समीक्षा अवधिमा निर्यात–आयात अनुपात ११ दशमलव ४ प्रतिशत पुगेको छ । अघिल्लो वर्षको सोही अवधिमा यस्तो अनुपात ८ दशमलव १ प्रतिशत रहेको थियो ।

इन्स्योरेन्स खबरको मोबाइल एप्स सार्वजनिक, यस्ता छन् सुविधा काठमाडौं।‌ इन्स्योरेन्स खबर डटकमले पाठकको सुविधाको लागि मोबाइल एप्स पनि सार्वजनिक गरेको छ। इन्स्योरेन्स‌ खबर एप्स एन्ड्रोइड फोनका लागि  गुगल...

प्रतिक्रिया दिनुहोस्

यो खबर पढेर तपाईंलाई कस्तो महसुस भयो ?

0%

खुसी

0%

दु :खी

0%

अचम्मित

0%

उत्साहित

0%

आक्रोशित

Vianet

सम्बन्धित समाचार

Insurance Khabar Mobile App Android and IOS