काठमाडौं । लामो समयदेखि रोकिएको कोरोना बीमाको दावी भुक्तानी फास्ट ट्रयाकबाट गर्ने तयारी गरिएको छ । कोरोना बीमाको दावी भुक्तानी ७१ करोडभन्दा बढि भइरहेको छ । ठूलो रकम दावी भुक्तानी गर्न बाँकी रहेपछि बीमा पुलमार्फत फास्ट ट्रयाक बिधिबाट कोरोना बीमाको दावी भुक्तानी गर्न लागिएको नेपाल बीमक संघले जनाएको छ ।
नेपाल बीमक संघका सचिव चंकी क्षेत्रीले सिष्टम बन्दै गरेकोले दावी भुक्तानीमा ढिलाई भएको र अब तीव्र गतिमा भुक्तानी हुने बताउँछन् । बीमा समितिका अनुसार कोरोना भाइरस संक्रमितको नाम तथा विवरण स्वास्थ्य मन्त्रालयबाट प्रमाणित गरेर मात्रै दावी भुक्तानी गर्ने गरी सिष्टम बनाउँदा समय लागेको हो । बीमा समितिले स्रोतले भन्यो, ‘यसै साताबाट नतिजा देखिने गरी भुक्तानी हुन्छ ।’ बीमा समितिमा कोरोना बीमाको संक्रमण भएका कारण पनि थप ढिलाई भएको हो ।
बीमक संघ, बीमा समिति र स्वास्थ्य मन्त्रालयबीचमा समन्वय स्थापना गर्न ढिलाई भएकोमा अब तीव्र गतिमा भुक्तानी गर्ने गरी काम भइरहेको बीमक संघको भनाई छ । नेपाल बीमक संघले केही दिन पहिले बक्तव्य निकालेर कोरोना बीमाको दावी भुक्तानीमा ढिलाई भएको जनाएको थियो ।
