IME Life

महामारीकै बीचमा धमाधम धितो लिलाम गर्दै बैंक

SPIL
Sanima Reliance
GBIME

काठमाडौं । यही असोज १८ गते प्रकाशित नागरिक दैनिकमा कुमारी बैंक र मेगा बैंकले करिब आधा दर्जन ऋणीको धितो बन्धक राखिएको सम्पत्ति, घरजग्गा लिलाम गर्ने ३५ दिने सूचना निकाले । मोरङ व्यापार व्यवसाय गर्दै आएको युनिक ट्रेडर्स तथा व्यक्तिगत रुपमा ऋण लिएका अन्य छ जना ऋणीहरुको सम्पत्ति लिलाम गर्ने ३५ दिने म्याद दिइएकोे छ ।

त्यस्तै, गत असोज १३ गते नयाँ पत्रिकामा एनआईसी एसिया बैंक र सेन्चुरी बैंकले आफ्ना आधा दर्जन ऋणीहरुको सम्पत्ति लिलाम गर्ने सम्बन्धमा १५ दिने सूचना प्रकाशित गरेका छन् । उक्त सूचनाको म्याद गुज्रनै लागेको छ । सम्भवतः काठमाडौंको उत्तम क्रियशन बुटिक प्रालिका सञ्चालक उत्तम कुमार श्रेष्ठको नाममा झापा र मोरङमा रहेको तीन कित्ता जग्गा र उनको आई२० कार समेत समेत सेन्चुरी बैंकले खोस्नेछ । सोही दिन प्रकाशित एनआईसी एसिया बैंकको सूचना अनुसार ३५ दिनभित्र ऋण चुक्ता गर्न नआएमा राजन कुमार छाराहाङ र इन्दु थापा सञ्चालक रहेको बालबाटिका एकेडेमी विद्यालय, मोरङको नाममा रहेका सबै सम्पत्ति लिलाम हुनेछन् । त्यस्तै, सोही सूचनामा जनाइए अनुसार काठमाडौं चण्डोलकी लक्ष्मी कुमारी थापाको नाममा रहेको सुजुकी मारुती अल्टो कार लिलाम हुनेछ ।

Crest

यी माथिका घटनाहरु प्रतिनिधिमूलक मात्रै हुन् । आजभोलि प्रकाशित हुने दैनिक पत्रिकाहरुमा बैंकले आफ्ना ऋणीहरुको सम्पत्ति लिलाम गर्न यस्तै खालका सूचनाहरुले भरिएको देख्न पाउँछौं । करिब छ महिना लामो लकडाउनका कारण थला परेका उद्योगी व्यवसायीहरुलाई बैंकले अमानवीय तरिकाले ऋण उठाउन धितो बन्धकको रुपमा लेखिदिएको सम्पत्ति लिलाम गर्ने अस्त्र प्रयोग गर्न थालेका छन् । गत चैत्र १० गतेदेखि नेपालका प्रायः सबै विद्यालयहरु बन्द छन् । विद्यालय बन्द हुँदा शिक्षकको तलव र ऋणको सावा ब्याज तिर्न सक्ने कुरा भएन । सरकारले खोल्न अनुमति नै नदिएको विद्यालयको नाममा लिएको ऋण नतिरेको भन्दै बैंकहरुले सार्वजनिक सञ्चार माध्यममार्फत ताकेता गरिरहेका छन् ।

सरकारले कोभिडको प्रभावमा परेका उद्योगी व्यवसायको सम्पत्ति लिलाम नगर्ने निर्णय गरेपनि बैंकहरुले भने सम्पर्कमा नआएको भन्दै ऋणीहरुको धितो धमाधम लिलाम गर्ने सूचना निकाल्दै आएका छन् । ऋणीहरुको धितो लिलाम सम्बन्धी सूचना सम्बन्धित ऋणीकै ऋण रकममा थप गर्न पाउने हुँदा बैंकहरुले आफुखुशी ताकेता सूचना प्रकाशन गर्दै आएका हुन् । कोरोना महामारीका कारण प्रभावित उद्योगहरुलाई समेत बैंकले ऋण तिर्न ताकेता गरेको घट्नाले नेपालका बैंकिङ क्षेत्रमाथि अनैतिक भएको आरोप लाग्न थालेको छ ।

इन्स्योरेन्स खबरको मोबाइल एप्स सार्वजनिक, यस्ता छन् सुविधा काठमाडौं।‌ इन्स्योरेन्स खबर डटकमले पाठकको सुविधाको लागि मोबाइल एप्स पनि सार्वजनिक गरेको छ। इन्स्योरेन्स‌ खबर एप्स एन्ड्रोइड फोनका लागि  गुगल...

प्रतिक्रिया दिनुहोस्

यो खबर पढेर तपाईंलाई कस्तो महसुस भयो ?

0%

खुसी

0%

दु :खी

0%

अचम्मित

0%

उत्साहित

0%

आक्रोशित

Vianet

सम्बन्धित समाचार

Insurance Khabar Mobile App Android and IOS