काठमाडौं । नेको इन्स्योरेन्सले आजदेखि १० लाख ७० हजार २०६.८४ कित्ता संस्थापक शेयर लिलाम बिक्री गर्दैछ । कम्पनीले न्यूनतम् मूल्याङ्कन ३९५ रुपैयाँमा लिलाम बिक्री गर्न लागेको शेयरमा सबैभन्दा बढि कबोल गरी आवेदन दिनेले प्राप्त गर्नेछन् । नेको इन्स्योरेन्सको यो शेयर लिलामी सम्पन्न भएपछि संस्थापक शेयरधनीहरुको संरचनामा परिवर्तन आउने छ । हालसम्म महतो ग्रुपको सबैभन्दा बढि, राष्ट्रिय बाणिज्य बैंक, बिनायक ग्रुप, कृषि विकास बैंक र म्युचुअल फण्डको लगानी रहेको नेको इन्स्योरेन्समा संस्थापक लगानीकर्ताहरुको संरचना परिवर्तन हुने गरी शेयर बिक्री गर्न लागिएको हो ।
आजदेखि सिलबन्दी बोलपत्र मार्फत बिक्री गरिने शेयरमा कार्तिक ४ गते बैंकिङ समयसम्म आवेदन दिन सकिने बिक्री प्रबन्धक सनराईज क्यापिटलले जनाएको छ । न्यूनतम पाँच हजार देखि अधिकतम सबै शेयरमा आवेदन दिन सकिने सो शेयरमा बढि मूल्य कबोल गर्नेले प्राप्त गर्नेछ । उक्त शेयर एकै जनाले खरिद गरेमा कम्तीमा एक जना सञ्चालक परिवर्तन हुने देखिएको छ । शेयर कसले बिक्री गर्न लागेको हो भन्ने खुलाइएको छैन ।
शेयर लिलामी प्रक्रिया सम्पन्न भएपछि कम्पनीको चुक्ता पुँजि एक अर्ब ३१ करोड ७४ लाख ३१ हजार ८०८ रुपैयाँ मध्येको करिब ८.१२ प्रतिशत हिस्सा नयाँ खरिद गर्नेले होल्न गर्नेछ । त्यसगरी ५१ प्रतिशत संस्थापक शेयर संरचना रहेको कम्पनीको संस्थापक शेयर संरचनामा १५.९२ प्रतिशत हिस्सा नयाँ खरिदकर्ताले ओगट्ने पाउनेछन् । शेयर टुक्राएर बिक्री गर्न खोजिएकाले सबै शेयर एउटै व्यक्तिले खरिद नगरी टुक्रा टुक्रा हुनेसक्ने सम्भावना समेत देखिएको छ ।
